முதல் பக்கம் » ராசிபலன் » வார ராசிபலன்
வார ராசிபலன் -

Tamil Weekly Horoscope

வார ராசிபலன் 8/19/2014 முதல் 8/25/2014 வரை

 
Mesham | Aries - 2014 Tamil Horoscope
21/Mar - 19/Apr
மேஷம் (அசுவினி, பரணி, கிருத்திகை 1-ஆம் பாதம் முடிய)
மேஷ ராசிநாதன் செவ்வாய் சனியோடு நேர்ந்து 7-ல் இருக்கிறார். செவ்வாய், சனி எந்த இடத்தில் இருந்தாலும் பார்த்தாலும் அந்த இடத்தில் பிரச்சினைகள் உண்டாகும். திருமணத்தடை ஏற்படலாம். 7-க்குடைய சுக்கிரன் கடகத்தில் 7-க்கு 10-ல் இருப்பதாலும், 5-க்குடைய சூரியன் ஆட்சியாக இருப்பதாலும் பெரிதாக வரும் பிரச்சினைகள் யாவும் சிறிதாகப் போய்விடும். அத்துடன் 9-க்குடைய குரு உச்சம்பெற்று 10-க்குடைய உச்ச சனியின் பார்வையைப் பெறுவது தர்மகர்மாதிபதி யோகமாகும். ஆகவே குடும்பத்தில் நிலவிய குழப்பங்கள் விலகி, நீங்கள் விரும்புவதுபோல எல்லா நிகழ்வுகளும் நடைபெறும்.



Go Top
 
Rishabam | Taurus - 2014 Tamil Horoscope
20/Apr - 20/May
ரிஷபம் (கிருத்திகை 2-ஆம் பாதம் முதல், ரோகிணி, மிருகசீரிஷம் 2-ஆம் பாதம் முடிய)
ரிஷப ராசிநாதன் சுக்கிரன் ராசிக்கு 3-ல் குருவோடு சம்பந்தம். ரிஷப ராசிக்கு யோகாதிபதியான சனியின் சாரம். அத்துடன் 6-ல் உச்சம் பெற்ற சனி சுக்கிரனைப் பார்க்கிறார். கடந்த பல மாதங்களாக குடும்பத்தில் நிலவிய குழப்பங்களும் பிரச்சினைகளும் தீரும். திரிகோணாதிபதி 5-க்குடைய புதன் 4-ல் கேந்திரம் பெறுவது பலம். எந்த ஒரு கிரகத்திற்கு கேந்திராதிபத்தியமும் திரிகோணாதிபத்தியமும் கிடைக்கிறதோ, அந்த கிரகம் அந்த ஜாதகத்திற்கு ராஜயோகாதிபதியாவார். 5-ல் ராகு நிற்பது தோஷமென்றாலும், சித்திரை 2-ல் ராசி, நவாம்சத்தில் கன்னியில் வர்க்கோத்தமமாக இருப்பதால் தோஷம் நிவர்த்தியாகிறது.



Go Top
 
Mithunam | Gemini - 2014 Tamil Horoscope
21/May - 21/Jun
மிதுனம் (மிருகசீரிஷம் 3-ஆம் பாதம் முதல், திருவாதிரை, புனர்பூசம் 3-ஆம் பாதம் முடிய)
மிதுன ராசிநாதன் புதன் 3-ல் மறைகிறார். 5, 12-க்குடைய சுக்கிரன் சாரம் பெறுகிறார். தொழில் இயக்கம் நன்றாக இருக்கும். நிம்மதிக்குறைவு இருந்தாலும் நன்மைகளும் நடக்கும். கடன்கள், எதிர்ப்பு, இடையூறுகள் இருந்தாலும் அவற்றையெல்லாம் கடந்து உங்கள் தொழில் இயக்கும். மிதுன ராசிக்கு 7, 10-க்குடைய குரு 5, 12-க்குடைய சுக்கிரனோடு சேர்ந்து 2-ல் உச்சம்பெறுவதால் அவ்வப்போது பணத்தேவைகளும் நிறைவடையும். நெருக்கடி நிலை இருக்காது. செலவுகளும் தவிர்க்கமுடியாததாக அமையும். 5-க்குடைய சுக்கிரனை 9-க்குடைய சனி பார்ப்பதால் தெய்வ அனுகூலமுண்டு. அது உங்களை வழிநடத்தும்.



Go Top
 
Kadagam | Cancer - 2014 Tamil Horoscope
22/Jun - 22/Jul
கடகம் (புனர்பூசம் 4-ஆம் பாதம் முதல், பூசம், ஆயில்யம் முடிய)
கடக ராசியில் குரு, சுக்கிரன் அமர, சனி பார்க்கிறார். சுக்கிரன் 4, 11-க்குடையவர். குரு 6, 9-க்குடையவர். சூரியன் 2-க்குடையவர் ஆட்சி. சனி 7, 8-க்குடையவர். 7-க்குடைய கேந்திராதிபதி சனி, 9-க்குடைய திரிகோணாதிபதி குருவைப்பார்ப்பதால், நேரடியாக இல்லாவிட்டாலும் மறைமுகமாக கேந்திர திரிகோணாதிபதி சம்பந்தம் இருப்பதால் தெய்வ அனுகூலம் பரிபூரணமாக இருக்கும். 9-க்குடைய குரு 9-ஆம் இடத்தையே பார்க்கிறார். 10-க்குடைய செவ்வாய் 10-ஆம் இடத்தையே பார்க்கிறார். ஆகவே கடக ராசிக்காரர்களுக்கு வாழ்க்கைத் தேவைகள் அனைத்தும் நிறைவேறும். ஆனாலும் ஒவ்வொரு கட்டத்திலும் போராடிப் போராடி முன்னேற வேண்டும்.



Go Top
 
Simmam | Leo - 2014 Tamil Horoscope
23/Jul - 22/Aug
சிம்மம் (மகம், பூரம், உத்திரம் 1-ஆம் பாதம் முடிய)
சிம்ம ராசிக்கு நடப்பு காலம் நல்ல காலம். 2, 11-க்குடைய புதன் ஜென்மத்தில் இருக்கிறார். அவருக்கு வீடு கொடுத்தவரும், ராசிநாதனுமான சூரியன் அவருடன் ஆட்சியாக இருக்கிறார். 5-க்குடைய குரு 10-க்குடைய சுக்கிரனோடு சேர்ந்திருப்பதால் நீங்கள் நினைத்தவை நிறைவேறும். கருதியவை கைகூடும். ஆனாலும் செலவும் அதிகமாகும். 6-க்குடைய சனி 12-ஆம் இடத்தைப் பார்ப்பதால், சில ஆயிரம் ரூபாய் கடன் வாங்குவதற்கு ஐந்நூறு ரூபாய் செலவு செய்வார்கள்.



Go Top
 
Kanni | Virgo - 2014 Tamil Horoscope
23/Aug - 22/Sep
கன்னி (உத்திரம் 2-ஆம் பாதம் முதல், ஹஸ்தம், சித்திரை 2-ஆம் பாதம் முடிய)
கன்னி ராசிநாதன் புதன் தன் ஸ்தானத்திற்கு 12-ல் மறைகிறார். ஜென்ம ராகு குடும்பச் சனி. சனியுடன் 8-க்குடைய செவ்வாய் சம்பந்தம், புதன் சுக்கிரன் சாரம். குடும்பத்தில் சிக்கல்களும், பிரச்சினைகளும் உருவாகி மறையும். 2-ஆம் இடத்து செவ்வாய், சனியால் முன்பின் யோசிக்காமல் வாக்கு கொடுத்து மாட்டிக்கொள்ளவும் நேரும். அதனால் நஷ்டத்தையும் சுமக்கவேண்டும். 10-க்குடையவர் புதன் 12-ல் இருப்பதால் தொழில்துறையிலும் தேவையற்ற செலவுகளை சந்திக்கக் கூடும். அதேசமயம் 11-ஆம் இடத்தில் குரு உச்சம் பெற்றும், சுக்கிரன் பலம்பெற்றும் இருப்பதால் முடிவில் எல்லாம் இனிதாக முடியும்.



Go Top
 
Thulam | Libra - 2014 Tamil Horoscope
23/Sep - 22/Oct
துலாம் (சித்திரை 3-ஆம் பாதம் முதல், சுவாதி, விசாகம் 3-ஆம் பாதம் முடிய)
துலா ராசிக்கு ஜென்மச் சனி நடக்கிறது. செவ்வாயும் சனியும் கூடி 7-ஆம் இடத்தைப் பார்க்கிறார்கள். 7- என்பது கணவன் மனைவியையும் குறிக்கும், உபதொழிலையும் குறிக்கும். அதாவது 10-க்கு 10-ஆம் இடம். செவ்வாய், சனி ஜென்மத்தில் இருப்பதால் உங்களுக்கு கௌரவப்பிரச்சினையும் போராட்டமும் இருக்கும். சஞ்சலங்களும் சந்தோஷக்குறைவும் ஏற்படும். 4, 5-க்குடைய சனி உச்சம் பெற்று 3, 6-க்குடைய உச்சம் பெற்ற குருவைப் பார்க்கிறார். குரு 10-ல் 1, 8-க்குடைய சுக்கிரனோடு சேர்ந்திருக்கிறார். 11-க்குடைய சூரியன் 11-ல் ஆட்சி. வாழ்க்கையிலும், தொழில், வேலை வகையிலும் மாறிமாறிப் பிரச்சினைகள் வந்துகொண்டே இருக்கும்.



Go Top
 
Virushigam | Scorpio - 2014 Tamil Horoscope
23/Oct - 21/Nov
விருச்சிகம் (விசாகம் 4-ஆம் பாதம் முதல், அனுஷம், கேட்டை முடிய)
விருச்சிக ராசிநாதன் செவ்வாய் 12-ல் சனியோடு நம்பந்தம்! எவ்வளவு சிக்கனமாக இருந்தாலும் செலவு தாறுமாறாகத்தான் இருக்கிறது. விரயத்தைக் கட்டுப்படுத்த முடியவில்லை. மேலும் மேலும் கடனும் பிரச்சினைகளும் அதிகமாவதோடு, போட்டியும் பொறாமையும் அதிகமாகத்தான் செய்கிறது. 7-ஆம் இடத்தையும் 4-ஆம் இடத்தையும் செவ்வாய் பார்ப்பதால் பூமி, வீடு, வாகனம் சம்பந்தமான சுபச்செலவுகளும், திருமணம் அல்லது மனைவி சம்பந்தமான வகையில் சுபச் செலவுகளும் உண்டாகும். 2, 5-க்குடைய குரு 9-ல் உச்சம்பெற்று ஜென்ம ராசியைப் பார்ப்பதால் மதிப்பு, மரியாதை, செல்வாக்கு குறையாது. உங்கள் கனவுகளும் திட்டங்களும் நிறைவேறும்.



Go Top
 
Thanusu | Sagittarius - 2014 Tamil Horoscope
22/Nov - 21/Dec
தனுசு (மூலம், பூராடம், உத்திராடம் 1-ஆம் பாதம் முடிய)
தனுசு ராசிநாதன் குரு 8-ல் மறைந்தாலும் உச்சம்பெறுகிறார். 2-ஆம் இடம், 4-ஆம் இடம் ஆகியவற்றைப் பார்ப்பதோடு 12-ஆம் இடத்தையும் பார்க்கிறார். வரவுமுண்டு, செலவுமுண்டு. பெரும்பாலும் அவற்றை சுபச்செலவு எனலாம். ஜாதக தசாபுத்திகள் பாதகமாக இருந்தால் தேக சுகக்குறைவும் தவிர்க்கமுடியாத வைத்தியச்செலவும் ஏற்படலாம். 9-க்குடைய சூரியன் 9-ல் ஆட்சி என்பதால் குருவருளும் திருவருளும் உண்டு. குறிப்பாக உத்திராட நட்சத்திரக்காரர்களுக்கு மேற்படி விரயச்செலவு தவிர்க்கமுடியாததாக அமையும். 6, 11-க்குடைய சுக்கிரன் 8-ல் குருவுடன் சேர்வதால் மனைவி வகையிலும் விரயம் ஏற்படலாம்.



Go Top
 
Magaram | Capricorn - 2014 Tamil Horoscope
22/Dec - 19/Jan
மகரம் (உத்திராடம் 2-ஆம் பாதம் முதல், திருவோணம், அவிட்டம் 2-ஆம் பாதம் முடிய)
மகர ராசிநாதன் சனி 10-ல் உச்சம். அவருடன் லாபாதிபதி செவ்வாய் சம்பந்தம். செவ்வாய், சனி எங்கு சேர்ந்தாலும் பார்த்தாலும் சிக்கல். தொழில் நன்றாக நடந்தாலும் லாபம் வந்தாலும் அது உங்களுக்கு பயன்படாது. சேமிப்பு ஏற்படாது. 8-க்குடைய சூரியன் 8-ல் ஆட்சி என்பதாலும், 7-ல் குருவோடு சுக்கிரன் சம்பந்தப்படுவதாலும், செவ்வாயோடு சேர்ந்த சனி அவர்களைப் பார்ப்பதாலும் சிலருக்கு மனைவி வகையிலும் பிரச்சினைகள் உருவாகும்.



Go Top
 
Kumbam | Aquarius - 2014 Tamil Horoscope
20/Jan - 18/Feb
கும்பம் (அவிட்டம் 3-ஆம் பாதம் முதல், சதயம், பூரட்டாதி 3-ஆம் பாதம் முடிய)
கும்ப ராசிநாதன் சனி 9-ஆம் இடமாகிய திரிகோணத்தில் 10-க்குடைய செவ்வாயோடு சேர்ந்திருக்கிறார். 10-க்குடைய செவ்வாய் 9-ல் இருக்கிறார். செவ்வாயும் சனியும் துலாத்தில் இருக்கும்வரை கும்ப ராசி அல்லது கும்ப லக்னத்தில் பிறந்த அனைவருக்கும் அனுதாப யோகம் ராஜயோகமாக மாறும். 2, 11-க்குடைய குரு 6-ல் மறைந்தாலும், 4, 9-க்குடைய சுக்கிரனும் 6-ல் மறைந்தாலும் ராசிநாதன் சனி அவர்களைப் பார்ப்பதால் உங்களுக்கு ராஜயோகமும், லட்சுமிகடாட்சமும் பரிபூரணமாக உண்டென்று நம்பலாம். உங்கள் முன்னேற்றம் தடைபடாது.



Go Top
 
Meenam | Pisces - 2014 Tamil Horoscope
19/Feb - 20/Mar
மீனம் (பூரட்டாதி 4-ஆம் பாதம் முதல், உத்திரட்டாதி, ரேவதி முடிய)
மீன ராசிநாதன் குரு 5-ல் உச்சம்பெறுகிறார். அவர் 10-க்குடையவர் 9-ஆம் இடம் விருச்சிகத்தைப் பார்க்கிறார். ஆகவே உங்களுக்கும் தர்மகர்மாதிபதி யோகம் முழுமையாக அமைகிறது. 9-க்குடைய செவ்வாய் 8-ல் மறைவது ஒரு மைனஸ் என்றாலும், செவ்வாயில் சனி உச்சம்பெற்று செவ்வாயோடு கூடியிருப்பதால் அந்த மைனசும் விலகிவிடும். உங்களுக்கு வசதிகள் சௌகர்யங்கள் எதுவும் குறையாது. கவலை மட்டும் இருக்கலம். குருவருளும் திருவருளும் குலதெயவ் வழிபாடும் உங்களை வழிநடத்தும்.



Go Top
Site Meter