முதல் பக்கம் » ராசிபலன் » வார ராசிபலன்
வார ராசிபலன் -

Tamil Weekly Horoscope

வார ராசிபலன் 11/18/2014 முதல் 11/24/2014 வரை

 
Mesham | Aries - 2014 Tamil Horoscope
21/Mar - 19/Apr
மேஷம் (அசுவினி, பரணி, கிருத்திகை 1-ஆம் பாதம் முடிய)
மேஷ ராசிநாதன் செவ்வாய் 8-ல் மறைவாக இருந்தாலும் ஆட்சியாக இருப்பதால் மறைவு தோஷமில்லை. மேலும் 9-க்குடைய குருவை 10-க்குடைய சனி பார்ப்பதாலும், 10-க்குடைய சனி 9-ஆம் இடத்தைப் பார்ப்பதாலும், 9-க்குடைய குரு 10-ஆம் இடத்தைப் பார்ப்பதாலும் மூன்று வகையிலும் தர்மகர்மாதிபதி யோகம் அமைகிறது. எனவே உங்கள் செல்வாக்கு, புகழ், கீர்த்தி ஆகியவற்றுக்கு எந்த பாதிப்பும் ஏற்படாது. குறைவு வராது. 4-ல் பாக்கியாதிபதி குரு உச்சமென்பதால் பூமி, வீடு, வாகனம் சம்பந்தமான யோகங்கள் சாதகமாகி மனநிறைவைத் தரும். படிக்கும் மாணவர்களுக்கும் ஆர்வம், அக்கறை, ஞாபகசக்தி ஏற்பட்டு முன்னிலையில் இருப்பார்கள்.



Go Top
 
Rishabam | Taurus - 2014 Tamil Horoscope
20/Apr - 20/May
ரிஷபம் (கிருத்திகை 2-ஆம் பாதம் முதல், ரோகிணி, மிருகசீரிஷம் 2-ஆம் பாதம் முடிய)
ரிஷப ராசிநாதன் சுக்கிரன் 4-ல் 4-க்குடைய சூரியனோடு சேர்ந்திருக்கிறார். 9-ஆம் இடத்துக்கு 8-லும், 10-ஆம் இடத்துக்கு கேந்திரத்திலும் இருப்பதோடு தொடக்கத்தில் கேது சாரத்திலும் பிறகு தனது சுயசாரத்திலும் இருக்கிறார். தெய்வ உபாசனை, பிரார்த்தனை, குருவருள், குலதெய்வம் ஆகியவற்றைக் குறிக்குமிடம் 9-ஆம் இடம். அதற்கு 8-ல் ராசிநாதன் மறைவதால், இவை சம்பந்தப்பட்ட விஷயங்களில் உங்களுக்கு தடை அல்லது தாமதம் ஏற்படலாம். தொழில் ஸ்தானமான 10-க்கு 7-ல் இருப்பதால் தொழில், வீடு போன்ற காரியங்களில் உங்கள் திட்டங்களும், முயற்சிகளும் உடனுடக்குடன் நடக்கும். அதுமட்டுமல்ல நினைத்ததற்கும் அதிகபட்சமான நன்மைகளோடு நடக்கும்.



Go Top
 
Mithunam | Gemini - 2014 Tamil Horoscope
21/May - 21/Jun
மிதுனம் (மிருகசீரிஷம் 3-ஆம் பாதம் முதல், திருவாதிரை, புனர்பூசம் 3-ஆம் பாதம் முடிய)
மிதுன ராசிநாதன் புதன் 4-ல் ஆட்சியாக இருக்கிறார். 2-க்குடைய சந்திரன் சாரம். புதன் வித்யாகாரகன். 4-க்குடைய சுகாதிபதி. 2-ஆம் இடம் வித்தை ஸ்தானம். அதன் அதிபதி சந்திரன் 4-க்குடையவர், 2-க்குடையவர் சாரம் பெறுவதோடு, 2-ஆம் இடத்தில் குருவும் உச்சம் பெறுகிறார். எனவே வாக்கு, தனம், குடும்பம் இவற்றில் மேன்மையும் நன்மையும் உண்டாகும். தனகாரகன் தனஸ்தானத்தில் உச்சம் பெறுவதால் பொருளாதாரத்திலும் நிறைவு ஏற்படும். 8, 9-க்குடைய சனி 5-ல் உச்சம்பெற்று 2-ஆம் இடத்தையும் குருவையும் பார்க்கிறார். 8-என்பது அதிர்ஷ்ட ஸ்தானம். எனவே எதிர்பாராத அதிர்ஷ்டங்களும் தன லாபங்களும் உண்டாகும். அதேபோல வரவேண்டிய பாக்கித்தொகைகளும் வசூலாகும்.



Go Top
 
Kadagam | Cancer - 2014 Tamil Horoscope
22/Jun - 22/Jul
கடகம் (புனர்பூசம் 4-ஆம் பாதம் முதல், பூசம், ஆயில்யம் முடிய)
கடக ராசியில் 6, 9-க்குடைய குரு உச்சமாக இருக்கிறார். அவர் புதனின் நட்சத்திரமான ஆயில்யத்தில் இருக்கிறார். புதன் 3-ல் ராசிநாதன் சந்த்ரன் சாரம்பெற்று ஆட்சியாக இருக்கிறார். குரு 6, 9-க்குடையவர் என்றாலும் 6-க்கு 8-ல் மறைகிறார். 9-க்கு திரிகோணத்தில் உச்சம் பெறுகிறார். எனவே எதிரி, கடன், போட்டி, வைத்தியச் செவுகள் குறையும். பூர்வ புண்ணிய பாக்கியம் பெருகும். மனைவி வகையில் சிலருக்கு தனவருமானம் ஏற்படும். குடும்பத்தில் அன்யோன்யம், நெருக்கம் உண்டாகும். பிரிந்து வாழ்ந்த தம்பதியர் இப்போது இணைந்து வாழும் யோகம் உண்டாகும்.



Go Top
 
Simmam | Leo - 2014 Tamil Horoscope
23/Jul - 22/Aug
சிம்மம் (மகம், பூரம், உத்திரம் 1-ஆம் பாதம் முடிய)
சிம்ம ராசிநாதன் சூரியன் ஆட்சியாக இருக்கிறார். அவருடன் 10-க்குடைய சுக்கிரன் சேர்க்கை. சூரியனுக்கு 12-ல் குரு உச்சம். 2-ல் புதனும் உச்சம். 9-க்குடைய செவ்வாய் ஆட்சிபெற்று 10-ஆம் இடத்தைப் பார்ப்பதால் தர்மகர்மாதிபதி யோகம். எனவே நீங்கள் நினைத்ததெல்லாம் நிறைவேறும். எண்ணியவையெல்லாம் ஈடேறும். எதிரிகளும் உதிரிகளாகிவிடுவார்கள். உங்களை எதிர்க்க எந்த எதிரிகளுமே இல்லையென்று சொல்லுமளவுக்கு சூளுரைக்கலாம். ஆனால் இதெல்லாம் தொடருமா என்பதை காலம்தான் நிர்ணயிக்கவேண்டும். காரணம் 2-ல் ராகு, 8-ல்கேது. அவருக்கு 6-க்குடைய குருவின் பார்வை. குரு 5-ஆம் இடத்திற்கும் மறைகிறார். 9-ஆம் இடத்திற்கும் பார்வையில்லை. 9-ஆம் இடத்தை 6-க்குடைய சனிதான் பார்க்கிறார்.



Go Top
 
Kanni | Virgo - 2014 Tamil Horoscope
23/Aug - 22/Sep
கன்னி (உத்திரம் 2-ஆம் பாதம் முதல், ஹஸ்தம், சித்திரை 2-ஆம் பாதம் முடிய)
கன்னி ராசிநாதன் புதன் ஆட்சியாக இருக்கிறார். 2-ல் சனி உச்சம். 11-ல் குரு உச்சம். குருவை சனி பார்க்கிறார். இன்னும் நான்கு மாதங்கள் வரை ஏழரைச் சனி இருக்கிறது. 3, 8-க்குடைய செவ்வாய் 3-ல் ஆட்சி பெற்று சனியின் சாரத்தில் இருப்பதோடு ராகு, குரு இருவரின் பார்வையைப் பெறுகிறார். துவர்க்கும் நெல்லிக்கனி தண்­ர் பட்டவுடன் இனிப்பதுபோல உங்களுக்கு இந்த கிரக அமைப்பு துவர்க்குமா இனிக்குமா என்பதை உங்கள் பூர்வ புண்ணியம்தான் நிர்ணயிக்க வேண்டும். குறிப்பாக உங்கள் உடன்பிறப்புகள் வகையில் நீங்கள் செய்த நற்காரியங்களும் துர்க்காரியங்களும்தான் அந்த பூர்வபுண்ணியத்தை தீர்மானிக்கும்.



Go Top
 
Thulam | Libra - 2014 Tamil Horoscope
23/Sep - 22/Oct
துலாம் (சித்திரை 3-ஆம் பாதம் முதல், சுவாதி, விசாகம் 3-ஆம் பாதம் முடிய)
துலா ராசிநாதன் சுக்கிரன் 11-ல் பலம் பெறுகிறார். தொடக்கத்தில் கேது சாரத்திலும், பிறகு சுயசாரத்திலும் சஞ்சாரம் செய்கிறார். கேது 6-ல் இருப்பதால் சத்ரு ஜெயம், கடன் நிவர்த்தி, நோய், பீடை நிவர்த்தி என்று சொல்லலாம். சுக்கிரன் 8-க்குடையவர் என்பதால் உங்களுடைய செயல் நடவடிக்கைகளே குடும்பத்திலும் நண்பர்களிடத்திலும் பழகிய இடத்திலும் அபிப்பிராய பேதங்களையும் மன வருத்தங்களையும் ஏற்படுத்தலாம். சிலசமயம் உயரத்தில் சென்றவுடன், ஏறிவந்த ஏணியை அடுத்தவர்களின் பேச்சை நம்பி எட்டி உதைப்பதாலும் சில பின்விளைவுகளைச் சந்திக்கலாம். இவையெல்லாம் ஜென்மச் சனியின் சீற்றத்திற்கு ஆளாக்கிவைக்கும். உச்சனை உச்சன் பார்ப்பதால் ஏற்படும் கெடுதல்களிலிருந்து விடுபட சித்தர் வழிபாடு சிறந்தது.



Go Top
 
Virushigam | Scorpio - 2014 Tamil Horoscope
23/Oct - 21/Nov
விருச்சிகம் (விசாகம் 4-ஆம் பாதம் முதல், அனுஷம், கேட்டை முடிய)
விருச்சிக ராசிநாதன் செவ்வாய் தனது ராசியில் ஆட்சியாக இருக்கிறார். சனியின் சாரம் பெறுகிறார். செவ்வாய்க்கும் சனிக்கும் எப்போதும் ஒரு தொடர்புண்டு. செவ்வாய் மகரத்தில் உச்சம். அது சனி வீடு. சனி மேஷத்தில் நீசம். அது செவ்வாய் வீடு. ஒருவரின் ராசியில் இன்னொருவர் உச்சம், நீசம் என்று உடன்பாடாகவும் எதிர்மறையாவம் இருப்பதால்தான் நிர்ணயிக்க முடியாத எதிர்மறை விளைவுகள் ஏற்படுகிறது. இதற்கு உதாரணமாக ராகு கேதுவையும் சொல்லலாம். அத்துடன் விருச்சிக ராசியை ராகு பார்க்கிறார். அவரும் செவ்வாயின் நட்சத்திரத்தில் இருக்கிறார். கேதுவும் ராகுவோடு சேர்ந்து புதன் சாரத்தில் இருக்கிறார். வசதி வாய்ப்புகளுக்கு குறைவில்லை. ஆனால் நிம்மதியில்லை.



Go Top
 
Thanusu | Sagittarius - 2014 Tamil Horoscope
22/Nov - 21/Dec
தனுசு (மூலம், பூராடம், உத்திராடம் 1-ஆம் பாதம் முடிய)
தனுசு ராசிநாதன் குரு 8-ல் உச்சம். உச்சமடைந்த கிரகத்திற்கும், ஆட்சிபெற்ற கிரகத்திற்கும், ராசிநாதன், லக்ன நாதர்களுக்கும் மறைவு தோஷமில்லை. தவிரவும் குருவுக்கு 8-ஆம் இடத்து தோஷம் பாதிக்காது. ஏனென்றால் மூலத்திரிகோணம் பெற்ற தனுசு ராசிக்கு குரு 8-ல் தான் உச்சம் பெறுவார். ஒவ்வொரு கிரகத்திற்கும் இரண்டு ராசிகள் உண்டு. அதில் ஒரு ராசி மூலத்திரிகோணமாக மாறும். சூரியனுக்கு - சிம்மம், சந்திரனுக்கு - ரிஷபம், செவ்வாய்க்கு - மேஷம், புதனுக்கு - கன்னி, வியாழனுக்கு - தனுசு, சுக்கிரனுக்கு - துலாம், சனிக்கு - கும்பம். இப்படி ஏழு கிரகங்களுக்கும் ஆட்சி வீட்டில் ஒவ்வொரு வீடு மூலத்திரிகோணமாகும். எனவே உங்கள் எண்ணங்கள் விரும்பியபடி நிறைவேறும்.



Go Top
 
Magaram | Capricorn - 2014 Tamil Horoscope
22/Dec - 19/Jan
மகரம் (உத்திராடம் 2-ஆம் பாதம் முதல், திருவோணம், அவிட்டம் 2-ஆம் பாதம் முடிய)
மகர ராசிநாதன் சனி 10-ல் உச்சம். தொழில், வாழ்க்கையில் பிரச்சினையில்லை. 3, 12-க்குடைய குரு 7-ல் உச்ச்ம. அவரை சனி பார்க்கிறார். எனவே மனைவி, குடும்பம், தொழில் வகையில் பிரச்சினைக்கு இடமில்லை. 9-ல் உள்ள ராகு சாரத்திலும் பிறகு குரு சாரத்திலும் சனி சஞ்சரிப்பதால், புதிய தொழில் முயற்சி கைகூடும். செவ்வாயை குரு பார்க்கிறார். குருவை சனி பார்க்கிறார். சூரியன் 8-ல் மறைவதால் அரசு சம்பந்தப்பட்ட காரியங்களில் கடமைகளும் பொறுப்புகளும் அதிகமாகும். வரவேண்டிய தொகைகளும் உரிய காலத்தில் வரத் தடைப்படும். இருந்தாலும் வெளியில் கடன் வாங்கி திட்டங்களை நிறைவேற்றலாம்.



Go Top
 
Kumbam | Aquarius - 2014 Tamil Horoscope
20/Jan - 18/Feb
கும்பம் (அவிட்டம் 3-ஆம் பாதம் முதல், சதயம், பூரட்டாதி 3-ஆம் பாதம் முடிய)
கும்ப ராசிநாதன் சனி உச்சம். 6-ல் குரு உச்சம். உச்சனை உச்சன் பார்த்தால் பிச்சையெடுப்பார் என்பது ஜோதிடப் பழமொழி. ஆனால் நீங்கள் இல்லாமையினால் பிச்சையெடுக்க மாட்டீர்கள். கோவில் திருப்பணிக்காக நன்கொடை வாங்குவதும் கௌரவப் பிச்சைதான். 10-ல் செவ்வாய் என்பதால் கெமிக்கல் அல்லது ம்ன்சாரம் அல்லது அக்னி சம்பந்தமான தொழில் செய்யலாம். தொழில் ஈடுபாடு உண்டாகும். அதற்கும் நண்பர் உதவி, கடன் கிடைக்கும். 8-ல் புதன், ராகு 2-ல் கேது. அவருக்கு குரு பார்வை. சிலருக்கு பினாமி யோகத்தால் எதிர்பாராத அதிர்ஷ்டம் உண்டாகும்.



Go Top
 
Meenam | Pisces - 2014 Tamil Horoscope
19/Feb - 20/Mar
மீனம் (பூரட்டாதி 4-ஆம் பாதம் முதல், உத்திரட்டாதி, ரேவதி முடிய)
மீன ராசிநாதன் குரு 5-ல் உச்சமாக இருக்கிறார். ராசியைப் பார்க்கிறார். ஜென்மத்தில் கேது 7-ல் புதன், ராகு, இவையெல்லாம் நல்லது செய்யக் காத்திருந்தாலும், அட்டமத்துச் சனி அதைத் தடுத்துக் கெடுத்துக்கொண்டிருக்கிறார். இருந்தாலும் குரு பார்வையால் கெடுதல் சம்பவிக்காவிட்டாலும், தடையும் தாமதமும் ஏற்படாலாம். சில ஆசைகளும் திட்டங்களும் நடக்காமல் தோல்வியானாலும் அதற்கு ஏதாவது ஒரு காரணமிருக்கும். அது தெய்வ ரகசியம் என்று கவலைப்படாமல் தைரியமாக இருங்கள். நம்பிக்கையோடும் இருங்கள். அந்த நேரம் அது நடக்காமல் போனாலும், அதைவிட அதிக நன்மையாக அடுத்து வேறொரு காரியம் சிறப்பாக நடந்துவிடும்.



Go Top
Site Meter