ஏமனில் அல் கொய்தா தீவிரவாதிகள் 7 பேர் பலி

ஏமன் நாட்டில் அல் கொய்தா இயக்கத்துடன் இணைந்த தீவிரவாதிகள் அடிக்கடி தாக்குதல் நடத்தி வருகின்றனர். இவர்களை ஒடுக்க ராணுவத்தினர் தீவிர வேட்டை நடத்துகிறார்கள். இந்நிலையில் நேற்று லாடார் என்ற இடத்தில் ராணுவத்தினருக்கும், தீவிரவாதிகளுக்கு இடையே கடும் துப்பாக்கி சண்டை நடைபெற்றது.

இதில் 7 தீவிரவாதிகள் கொல்லப்பட்டனர். ராணுவ தரப்பில் ஏற்பட்ட சேதம் குறித்து தகவல் இல்லை. இது பற்றி ராணுவ செய்தி குறிப்பில் கூறுகையில், 'கொல்லப்பட்ட தீவிரவாதிகள் சோமாலியாவை சேர்ந்த அன்சார் அல்-ஷாரியா என்ற இயக்கத்தை சேர்ந்தவர்கள். இவர்கள் அல் கொய்தா இயக்குத்துடன் தொடர்புடையவர்கள் என்று கூறப்பட்டுள்ளது.