நாய் சேகர் ரிட்டர்ன்ஸ் திரைப்படத்தின் புரமோஷனில் நடிகர் வடிவேலு மீம்ஸ் கிரியேட்டர்களை சந்தித்தார்.
நீண்ட இடைவெளிக்குப் பிறகு வடிவேலு நாயகனாக நடிக்கும் படம் ‘நாய் சேகர் ரிட்டர்ன்ஸ்’. இந்த படத்தில் வடிவேலுவுடன் இணைந்து நடிகை ஷிவாணி நாராயணன், ரெடின் கிங்ஸ்லி உள்ளிட்டோர் முக்கிய கதாபாத்திரங்களில் நடித்துள்ளனர். லைகா தயாரிப்பில் உருவாகும் இப்படத்தை சுராஜ் இயக்கியுள்ளார். படத்திற்கு சந்தோஷ் நாராயணன் இசையமைத்துள்ளார். ஏற்கெனவே படத்திலிருந்து வடிவேலு பாடிய 2 பாடல்கள் வெளியாகி ரசிகர்களிடம் நல்ல வரவேற்பை பெற்றன. இந்நிலையில் படத்தின் டிரைலரை படக்குழு நேற்று வெளியிட்டுள்ளது. படத்தின் புரமோஷன் நிகழ்ச்சியில் வடிவேலு மீம்ஸ் கிரியேட்டர்களுடன் சந்தித்து புகைப்படங்களை எடுத்துக் கொண்டார்.