நடிகை ஹன்சிகா மோத்வானியின் திருமணம் நேற்று ஜெய்ப்பூர் அரண்மனையில் தடபுடலாக நடைபெற்றது.
தமிழ் சினிமாவில் பிரபல நடிகையாக வலம் வந்தவர் நடிகை ஹன்சிகா மோத்வானி. தமிழ் மட்டுமின்றி தெலுங்கு மற்றும் இந்திப் படங்களிலும் நடித்து வந்தார். இந்நிலையில் தனது நீண்ட நாள் நண்பரும் பிஸ்னஸ் பார்ட்னருமான சோகெல் கதூரியாவை கடந்த சில ஆண்டுகளாக காதலித்து வந்தார் ஹன்சிகா. சோகெல் ஈபிள் டவர் முன்பு ஹன்சிகாவிடம் ப்ரபோஸ் செய்யும் போட்டோக்கள் இணையத்தில் வெளியானது. கடந்த வாரம் திருமணத்திற்கான சடங்குகள் தொடங்கிய நிலையில் நேற்று ஹன்சிகா மோத்வானிக்கும் சோகெல் கதூரியாவுக்கும் திருமணம் நடைபெற்றது. ஜெய்ப்பூரில் உள்ள முண்டோடா அரண்மனையில் பிரமாண்டமாக அவர்களின் திருமணம் நடைபெற்றது.
திருமணத்திற்கு முந்தைய மெஹந்தி விழா மற்றும் சங்கீத் ஆகிய நிகழ்ச்சிகளும் கோலாகலமாக நடைபெற்றது. இதில் ஹன்சிகாவும் சோகெலும் இணைந்து நடனமாடினர். மேலும் நேற்று காலை நளங்கு நடைபெற்றது. இந்த போட்டோக்கள் இணையத்தில் வெளியாகி பெரும் வைரலானது. இதனைத் தொடர்ந்து நேற்று மாலை ஹன்சிகா மோத்வானி மற்றும் சோஹேல் கதூரியாவின் திருமணம் சிந்தி முறைப்படி நடைபெற்றது.
திருமண விழாவில் முக்கியமான சடங்கான நெற்றியில் குங்குமம் வைக்கும் சடங்கின் போது, மகிழ்ச்சியில் ஹன்சிகா ஆனந்த கண்ணீர் வடித்துள்ளார். இவர்களின் திருமணம் நடைபெறும் போது வாணவேடிக்கைக்கு ஏற்பாடு செய்யப்பட்டிருந்தது. இதையடுத்து ஹன்சிகாவும் சோஹேலும் கணவன் மனைவியாக திருமண பந்தத்தில் இணைந்து கைகளை பிடித்தபடி இருந்தனர். தடபுடலாக நடந்த திருமணத்தில் நெருங்கிய நண்பர்கள் மற்றும் உறவினர்களுடன் ஹன்சிகா எடுத்துக்கொண்ட புகைப்படம் வெளியாகி உள்ளது.
திருமணத்தை முன்னிட்டு ஜெய்ப்பூர் முண்டோடா அரண்மணை பூக்களாலும் சீரில் லைட்டுகளாலும் அலங்கரிக்கப்பட்டிருந்தது. திருமணத்தில் ஹன்சிகா சிவப்பு நிற லெஹெங்காவை அணிந்திருந்தார், சோகெல் கிரீம் கலர் ஷெர்வானி அணிந்திருந்தார். ஹன்சிகாவின் திருமண போட்டோக்களும் வீடியோக்களும் இணையத்தில் பெரும் வைரலானது.
இந்த திருமணத்திற்கு பாலிவுட் முதல் கோலிவுட் வரை குறிப்பிட்ட சில முக்கிய பிரபலங்கள் அழைப்பு விடுக்கப்பட்டுள்ளனர். மேலும், இவர்களது திருமண ஒளிப்பரப்பு உரிமையை டிஸ்னி ஹாட்ஸ்டார் வாங்கியிருப்பது குறிப்பிடத்தக்கது.
இந்நிலையில் ஹன்சிகாவின் ஹனிமூன் பிளான் குறித்த தகவல் வெளியாகியுள்ளது. திருமணம் முடித்த கையோடு ஹனிமூனுக்கு நோ சொல்லியுள்ள ஹன்சிகா படப்பிடிப்புகளுக்கு எஸ் சொல்லி விட்டாராம். 6 ஆம் தேதி மும்பையில் நடைபெறும் விளம்பர பட ஷூட்டிங்கில் பங்கேற்கும் ஹன்சிகா, அடுத்தடுத்துள்ள கால் ஷீட்டுக்களை முடித்து விட்டுதான் ஹனி மூன் செல்ல உள்ளாராம். காதலையே ஈபிள் டவர் முன்பு சொன்ன சோகெல் ஹனிமுனுக்கு எங்கு அழைத்து செல்ல போகிறார் என எதிர்பார்த்துள்ளனர் ரசிகர்கள்.