விஜய் நடிப்பில் எச்.வினோத்தின் இயக்கத்தில் உருவாகும் திரைப்படம் தான் தளபதி 69. இப்படத்தின் படப்பிடிப்பு விறுவிறுப்பாக நடைபெற்று வருகின்றது. இதைத்தொடர்ந்து இப்படத்தில் முக்கியமான ரோலில் நடித்து வரும் மமிதா பைஜூ சமீபத்தில் பேசியுள்ளார். இப்படத்தில் நடிப்பதை பற்றியும் விஜய்யுடன் இணைந்து பணியாற்றுவது பற்றியும் பேசியுள்ளார் மமிதா பைஜூ
விஜய் தற்போது தளபதி 69 திரைப்படத்தில் நடித்து வருகின்றார். எச்.வினோத் இப்படத்தை இயக்க அனிருத் இப்படத்திற்கு இசையமைத்து வருகின்றார். மேலும் பூஜா ஹெக்டே, பாபி தியோல், பிரகாஷ் ராஜ் ஆகியோர் இப்படத்தில் நடித்து வருகின்றனர். விஜய்யின் கடைசி படம் என்பதாலும் விஜய் மற்றும் எச்.வினோத் கூட்டணியில் உருவாகும் முதல் படம் இது என்பதாலும் தளபதி 69 படத்தின் மீது மிகப்பெரிய எதிர்பார்ப்பு இருந்து வருகின்றது.
பொதுவாகவே விஜய்யின் படங்களுக்கு மிகப்பெரிய எதிர்பார்ப்பு இருக்கும். அதுவும் இது விஜய்யின் கடைசி படம் என்பதால் மற்ற படங்களை காட்டிலும் இப்படத்திற்கு கூடுதலாக எதிர்பார்ப்பு இருக்கின்றது என்றுதான் சொல்லவேண்டும். இந்நிலையில் விஜய்யின் தளபதி 69 ஒரு ரீமேக் படம் என்ற தகவலும் பரவலாக இருந்து வருகின்றது.
தெலுங்கில் பாலையா நடிப்பில் வெளியான பகவந்த் கேசரி திரைப்படத்தின் தமிழ் ரீமேக் தான் தளபதி 69 என சொல்லப்படுகின்றது. சமீபத்தில் ஒரு விழாவில் பிரபல நடிகர் VTV கணேஷ் கூட விஜய் பகவந்த் கேசரி படத்தை ரீமேக் செய்ய ஆசைப்பட்டார் என கூறியிருந்தார். இதன் பிறகு கிட்டத்தட்ட தளபதி 69 படம் பகவந்த் கேசரி ரீமேக்காக தான் இருக்கும் என கூறி வருகின்றனர். இது பெரும்பாலானோருக்கு ஏமாற்றமான செய்தியாக உள்ளது. விஜய்யின் கடைசி படம் ஒரு புரட்சிகரமான அரசியல் படமாக இருக்க வேண்டும் என்றுதான் ரசிகர்கள் விரும்புகின்றனர். ஆனால் தளபதி 69 ஒரு ரீமேக் படம் என்ற செய்தி விஜய் ரசிகர்களை ஏமாற்றத்தில் ஆழ்த்தியுள்ளது. இந்த தகவல் உண்மையாக இருக்கக்கூடாது என ரசிகர்கள் விரும்புகின்றனர்.
இந்நிலையில் இப்படத்தில் மிக முக்கியமான ரோலில் நடித்து வரும் மமிதா பைஜூ சமீபத்தில் விஜய்யுடன் இணைந்து நடிப்பதை பற்றி பேசியுள்ளார். ப்ரேமலு படத்தின் மூலம் புகழ்பெற்ற மமிதா பைஜூ விஜய்யுடன் இணைந்து தளபதி 69 படத்தில் நடிக்கின்றார். இப்படத்தில் நடிப்பதை பற்றி பேசிய மமிதா பைஜூ, தளபதியுடன் இணைந்து நடிப்பது எனக்கு மிகப்பெரிய கனவாக இருந்தது. இப்படத்தின் மூலம் அந்த கனவு நனவாகி உள்ளது. இதை என்னுடைய மிகப்பெரிய சாதனையாக நான் பார்க்கின்றேன். விஜய் சார் என்னை பார்த்தவுடன், ஹை மா, எப்படி இருக்க என கேட்டார். அப்போது எனக்கு என்ன சொல்வது என்றே தெரியவில்லை. அவ்வளவு மகிழ்ச்சியாக இருந்தது. அவர் மிக இனிமையான மனிதர் என்றார் மமிதா பைஜூ.