நடிகை மமிதா பைஜூ ஜன நாயகன் படம் குறித்து பேசி, தளபதி விஜய்யின் ரசிகர்களை குஷியாக்கி உள்ளார்.
தமிழ் சினிமாவில் குறிப்பிட்ட சில படங்களே இயக்கி இருப்பினும், அதில் தன் கதை மற்றும் இயக்கத்தால் வெற்றி கண்டவர் இயக்குநர் ஹெச். வினோத். தன்னுடைய முதல் படத்திலேயே தமிழ் சினிமா மொத்தத்தையும் திரும்பிப் பார்க்க வைத்த இயக்குநரான ஹெச். வினோத் தற்போது நடிகர் விஜய்யின் கடைசி படமான ஜன நாயகனில் மொத்த கவனத்தையும் செலுத்தி வருகிறார்.
பிரேமலு படத்தின் மூலம் மலையாள சினிமா மட்டுமல்லாமல், தமிழ் சினிமா ரசிகர்களையும் கவர்ந்துள்ளார். இவர் தற்போது நடிகர் விஜய்யின் ஜந நாயகன் மட்டுமல்லாது, ராட்சசன் பட புகழ் இயக்குநர் ராம் குமாரின் புது படத்திலும் நடித்து வருகிறார். இந்நிலையில், படக் குழுவினருடன் அவர் நிகழ்ச்சி ஒன்றில் பங்கேற்ற போது இனி அடுத்தடுத்து ஜன நாயகன் படத்தின் அப்டேட் வந்து கொண்டே இருக்கும் என கூறி ரசிகர்களை வைப் செய்துள்ளார்.
விஜய்யின் கடைசி மற்றும் 69வது படத்தின் பெயர் ‘ஜனநாயகன்’ எனப் பெயரிடப்பட்டுள்ளது. இந்தப் படத்தின் போஸ்டரே கவனம் ஈர்க்கும் வகையில் அமைந்துள்ளது. விஜய் அரசியலுக்கு வந்த நிலையில், அவர் பொது இடத்தில் நின்று செல்ஃபி எடுப்பது போன்றும் அவருக்கு பின் ஆயிரக் கணக்கானோர் நின்று கோஷமிட்டு குரல் எழுப்பது போன்றும் போஸ்டர் வெளியிடப்பட்டு ரசிகர்களை கவர்ந்து வருகிறது.
இதனால், விஜய்யின் கடைசி படமான ஜனநாயகத்தின் கதை அரசியலைத் தொடர்பு கொண்டு தான் இருக்கும் என ரசிகர்கள் கருத்து தெரிவித்து வருகின்றனர். அந்த சமயத்தில் ஜன நாயகன் படம் பற்றி பேசிய இயக்குநர் ஹெச். வினோத், விஜய் அரசியலுக்கு வந்ததால் இது அரசியல் சம்பந்தமான படமா என்ற கேள்வி எழுந்து வருகிறது. ஆனால், இது அரசியல் படமல்ல. இந்தப் படம் எடுக்கும் போதே, என்னுடைய படத்த எல்லா வயசுல இருக்கவங்களும் பாப்பாங்க, எல்லா அரசியல் கட்சிகளும் பார்ப்பாங்க. அதனால இது எல்லாருக்குமான படமா இருக்கணும்ன்னு சொன்னாரு. அதனால, இது அரசியல் கட்சியையோ அரசியல் தலைவரகளையோ தாக்கும் படமாக இருக்காது. இது சில சின்ன சின்ன விஷயங்களை வச்சி எடுத்த 100 சதவீத கமர்சியல் படமா தான் இருக்கும். இது 200 சதவீதம் தளபதி படமா இருக்கும். இது கமெர்சியலாக எல்லாரும் பார்க்கும் வகையிலான படமாக இருக்கும் என்றார்” என்றார்.
நடிகர் விஜய் முழு நேர அரசியலில் ஈடுபடவுள்ள நிலையில், அவரது கடைசி படமான தளபதி 69ல் ஒரு நட்சத்திர பட்டாளமே நடித்து வருகிறது. இந்தப் படத்தில் விஜய்க்கு ஜோடியாக மீண்டும் பூஜா ஹெக்டே நடிக்க ஒப்பந்தம் ஆகியுள்ளார். வில்லனாக பாலிவுட் நடிகர் பாபி தியோலும் நடிக்கின்றனர்.
மேலும் இந்தப் படத்தில், பிரேமலு நடிகை மமிதா பைஜூ, பிரியாமணி, கௌதம் வாசுதேவ் மேனன், நரேன், பிரகாஷ் ராஜ் போன்றவர்கள் நடிக்க உள்ளதாக தளபதி 69 படத்தின் தயாரிப்பு நிறுவனமான கேவிஎன் புரொடக்ஷன்ஸ் அறிவித்தது.
இந்நிலையில் ராட்சசன் படத்திற்கு பிறகு விஷ்ணு விஷால் – ராம்குமார் கூட்டணி மூன்றாவது முறையாக இரண்டாவது வானம் படத்தில் இணைந்துள்ளனர். இப்படத்தின் ஃபர்ஸ்ட் லுக் போஸ்டர் சினிமா ரசிகர்களை கவர்ந்துள்ளது. இப்படத்தில் மமிதா பைஜூ ஹீரோயினாக நடிக்கிறார். இப்படத்தின் புரோமோஷன் நிகழ்ச்சிக்காக இப்படக்குழுவினர் கோவை சென்றனர். அப்போது மமிதா பைஜூவிடம் விஜய்யுடன் நடிக்கும் படம் குறித்து கேள்வி கேட்கப்பட்டதாம். அதற்கு அவர் சிரித்து கொண்டே அடுத்த மாதத்தில் இருந்து ஜனநாயகன் அப்டேட் வந்துகொண்டே இருக்குமாம். ஜனநாயகன் படம் வேற லெவலில் இருக்கும். விஜய் சாரை வேற மாதிரி பாப்பீங்க என்று அள்ளி தெளித்திருக்கிறாராம். கண்டிப்பா நிறைய அப்டேட் இருக்கு எனவும் அவர் தெரிவித்தாராம்.