காதலிக்க நேரமில்லை படத்தின் பிரேக் அப்டா பாடல் வெளியானது.
ரெட் ஜெயன்ட் மூவிஸ் தயாரிப்பில் இயக்குநர் கிருத்திகா உதயநிதி இயக்கத்தில் ஏ. ஆர். ரகுமான் இசையில், ஜெயம் ரவி, நித்யா மேனன் நடிப்பில் உருவாகியுள்ள திரைப்படம் ‘காதலிக்க நேரமில்லை’. நவீன காதல் கதையாக உருவாகியுள்ள இப்படம் வரும் ஜன. 14 ஆம் தேதி பொங்கலன்று வெளியாகவுள்ளது.
முன்னதாக இப்படத்தில் இடம்பெற்ற, ‘என்னை இழுக்குதடி’ பாடல் வெளியாகி பெரிதாக ஹிட் அடித்தது. இரண்டாவது பாடலான, ‘லாவண்டர் நிறமே..’ பாடல் இணையத்தில் வெளியாகி ரசிகர்களின் கவனத்தை ஈர்த்தது.
இந்த நிலையில், காதலிக்க நேரமில்லை படத்தின் புதிய பாடலான ‘பிரேக் – அப் டா’ பாடலைப் படக்குழுவினர் வெளியிட்டுள்ளனர். ஏ. ஆர். ரகுமான் இசையமைத்த இப்பாடலை ஸ்நேகன் எழுத, ஸ்ருதி ஹாசன் மற்றும் ஆதித்யா ஆர்கே இணைந்து பாடியுள்ளனர்.