திருமணத்திற்கு பிறகு தன் வாழ்க்கையும், கணவர் ஆண்டனி தட்டிலின் வாழ்க்கையும் எப்படி இருக்கிறது என மனம் திறந்து பேசியிருக்கிறார் கீர்த்தி சுரேஷ். கணவர் தனக்காக அட்ஜஸ்ட் செய்வதாக கூறியிருக்கிறார்.
கீர்த்தி சுரேஷுக்கும், தொழில் அதிபர் ஆண்டனி தட்டிலுக்கும் கடந்த டிசம்பர் மாதம் 12ம் தேதி கோவாவில் திருமணம் நடந்தது. இதையடுத்து கணவர் வீட்டு சொந்தங்களுடன் கிறிஸ்துமஸ் பண்டிகையை கொண்டாடினார். அதன் பிறகு தன் குடும்பத்தாருடன் சேர்ந்து தல பொங்கல் பண்டிகையை கொண்டாடினார் கீர்த்தி சுரேஷ். இந்நிலையில் திருமதியான பிறகு வாழ்க்கை எப்படி இருக்கிறது என பேசியிருக்கிறார் அவர்.
திருமணத்திற்கு பிறகு எதுவும் மாறியது போன்று தெரியவில்லை. எல்லாம் அப்படியே தான் இருக்கிறது. நிறைய அட்டென்ஷன் கிடைக்கிறது. அது எனக்கு பழகிவிட்டது. ஆனால் ஆண்டனிக்கு பழக்கம் இல்லை. அதனால் அவருக்கு சங்கடமாக இருக்கிறது. இருந்தாலும் அவர் எந்த புகாரும் சொல்வது இல்லை. எனக்காக எல்லாவற்றையும் ஏற்றுக் கொள்கிறார் என்கிறார் கீர்த்தி சுரேஷ்.
ஆண்டனி தட்டில் தன் இன்ஸ்டாகிராம் கணக்கை பிரைவேட்டாக வைத்திருக்கிறார். அவருக்கு தன் புகைப்படங்களை வெளியிடுவதில் விருப்பம் இல்லை. இருந்தாலும் கீர்த்திக்காக அவருடன் சேர்ந்து புகைப்படங்களுக்கு போஸ் கொடுக்கிறார். மீடியா முன்பு வர கூச்சப்பட்டாலும் கீர்த்தியின் கெரியருக்கு இது முக்கியம் என்பதை புரிந்து கொண்டு நடக்கிறார் ஆண்டனி.
ஆண்டனி தட்டிலும், கீர்த்தி சுரேஷும் பல ஆண்டுகளாக காதலித்து திருமணம் செய்து கொண்டார்கள். கொரோனா லாக்டவுன் நேரத்தில் இருந்து லிவ் இன் முறைப்படி வாழத் துவங்கினார்கள். அதனால் திருமணத்திற்கு பிறகு வாழ்க்கையில் பெரிதாக எதுவும் மாறியது மாதிரி தெரியவில்லை என்கிறார் கீர்த்தி சுரேஷ்.