‘நிபந்தனைகள் வந்த கணத்தில் காதல் இல்லாமல் போய்விடுகிறது’ என்ற தமன்னாவின் பேட்டி வைரலாகி வருகிறது. மேலும் அவர் கொஞ்சம் புத்திசாலித்தனமாக நேசிக்கும் ஒன்றைத் தேர்ந்தெடுக்க வேண்டும் என்று தெரிவித்து இருக்கிறார்.
நடிகை தமன்னா மற்றும் விஜய் வர்மா இருவரும் தங்களது இரண்டு வருட காதலுக்கு குட்பை சொல்லிவிட்டதாக செய்திகள் வலம் வந்த வண்ணம் உள்ளன. இந்தச்செய்தி குறித்து இருவரும் இதுவரை வெளிப்படையாகப் பேசவில்லை என்றாலும், சமீபத்தில் காதல் மற்றும் உறவு குறித்து அவர் கூறிய கருத்துகள் வைரலாகி வருகின்றன.
பிரபல யூடியூபர் லூக் கோட்டினோ என்பவரின் பாட்காஸ்டில் நடிகை தமன்னா பேசுகையில், காதல் மற்றும் உறவு இடையே உள்ள வித்தியாசத்தை தனது பிரேக்-அப் வதந்திகளுக்கு இடையே பேச முயன்றார். அப்போது பேசிய நடிகை தமன்னா, காதல் என்பது நிபந்தனையற்றது என்றும், அதே உறவு ஒரு வகையில் வணிகப் பரிவர்த்தனை போன்றது என்றும் அவர் கூறினார்.
இதுதொடர்பாகப் பேசிய நடிகை தமன்னா, “காதல் என்றால் என்ன, உறவு என்றால் என்ன என்று நிறைய பேருக்கு குழப்பம் ஏற்படுகிறது. நிபந்தனைகள் வந்த கணத்தில் காதல் இல்லாமல் போய்விடுகிறது. அன்பு எப்போதும் நிபந்தனையற்றது. அன்புக்குரியவர்களை கவனித்துக்கொள்ளுங்கள். இது ஒருதலைப்பட்சமாகவும் இருக்கலாம். காதல் உள்ளுக்குள்ளும் இருக்கலாம்.
நீங்கள் மற்ற நபரிடம் காண்பிப்பது, நீங்கள் மற்ற நபரிடமிருந்து எதையாவது விரும்பினால், அவர்கள் அதைச் செய்ய விரும்பினால், அது ஒரு வணிக பரிவர்த்தனை மட்டுமே. நான் ஒருவரை நேசிக்கிறேன் என்றால், அவர்களைப் போலவே அவர்களை இருக்க அனுமதிக்க வேண்டும் என்பதை நான் கற்றுக்கொண்டேன்” என்கிறார் நடிகை தமன்னா.
மேலும், “நான் தனியாக இருப்பதைவிட ஒரு உறவில் இருக்கும்போது அதிக மகிழ்ச்சியை உணர்ந்தேன். எனக்கு ஒரு துணை இருக்கிறார் என்ற உணர்வு என்னை மிகவும் நன்றாக இருக்க வைத்தது. அது ஒரு அற்புதமான உணர்வு. ஆனால், அவர் எப்படிப்பட்டவர் என்பது மிக முக்கியமானது. ஏனென்றால், அந்த உறவு உங்கள் வாழ்க்கையில் உங்களைத் தலையிட அனுமதிக்கிறது. எனவே, நீங்கள் புத்திசாலித்தனமான முறையில் ஒரு வாழ்க்கைத் துணையைத் தேர்வு செய்ய வேண்டும். உங்களைப் பற்றி நீங்கள் அறிந்தால் அது சாத்தியமாகும்’’ எனக் கூறியிருக்கிறார், நடிகை தமன்னா.
சமீபத்தில், பிங்க் வில்லா பத்திரிகையில் வெளியான ஒரு செய்தி அறிக்கையில், தமன்னாவும் விஜய் வர்மாவும் பரஸ்பர சம்மதத்துடன் ஒருவருக்கொருவர் பிரிந்துவிட்டதாக எழுதப்பட்டிருந்தது. இருவரும் காதல் உறவில் இருந்து பிரிந்தாலும் தொடர்ந்து நல்ல நண்பர்களாக இருக்க முடிவு செய்துள்ளதாக அந்த அறிக்கையில் தெரிவிக்கப்பட்டிருந்தது. மேலும் நடிகை தமன்னா தனது சமூக வலைதளப்பக்கத்தில் இருந்து விஜய் வர்மாவின் போட்டோக்களை டெலிட் செய்திருந்தார்.