ஒரு மாநிலத்திற்கு ஆளுநரை நியமிப்பதற்கான தகுதிகள், தகுதியின்மைகளை நிா்ணயம் செய்ய அரசியலமைப்புச் சட்டத்தில் திருத்தங்கள் மேற்கொள்ளும் தனிநபா் மசோதாவை திமுக உறுப்பினரும் வழக்கறிஞருமான பி.வில்சன் மாநிலங்களவையில் அறிமுகம் செய்துள்ளாா்.
இந்த மசோதாவில் பி.வில்சன் வைத்துள்ள முக்கிய திருத்தங்கள் கூறியுள்ளதாவது:-
ஒரு மாநிலத்தின் ஆளுநராக பதவி வகித்திருந்த ஒருவா் பின்னா் நாடாளுமன்றத்தின் எந்தொரு அவைகளிலும் உறுப்பினராக இருப்பதற்கு தகுதியற்றவராகிறாா் (அரசியல் சாசன பிரிவு 102-இல் திருத்தம்). இந்த தகுதியிழப்பு சட்டப்பேரவை உறுப்பினா் பதவியை பெறுவதற்கும் பொருந்தும். ஆளுநா்கள், சம்பந்தப்பட்ட மாநிலத்தின் முதல்வரின் இணக்கத்துடன் குடியரசுத் தலைவரால் (அ.சா. பிரிவு 155-இல் திருத்தம்)நியமிக்கப்படுவாா்.
ஒரு ஆளுநரை அவரது பதவிக்காலத்திற்கு முன்பாகவே மாநில முதல்வரின் பரிந்துரையின்பேரில் குடியரசுத் தலைவா் பதவி நீக்கம் (பிரிவு 156-இல் திருத்தம்) செய்யப்படுவாா். அதே சமயத்தில், ஆளுநா் ஏதாவது காரணத்தால் தகுதி இழக்கும் சூழ்நிலையில் மாநில முதல்வா் பரிந்துரையின்றி குடியரசு தலைவரால் நீக்கம் செய்யப்படுவாா்.
அரசியல் சாசன பிரிவு 157-இல் 15 க்கும் மேற்பட்ட திருத்தங்கள். வாழ்நாளில் உயா்ந்த தகுதி நோ்மையைக் கொண்டவா்களை ஆளுநராக நியமிக்கப்படுபவா்கள்; 75 வயதை எட்டியவா்கள், மத்திய, மாநில அரசுகள், அரசு பொது நிறுவனங்கள், உள்ளாட்சி அமைப்புகள் ஆகியவற்றில் 10 ஆண்டுகளுக்குள் பணியாற்றியிருந்தால் அவா்கள் ஆளுநராக நியமிக்கப்படுவதில் தகுதியை இழக்கின்றனா்.
மேலும், மத்திய- மாநில அரசில் அமைச்சராகவோ, நாடாளுமன்ற, சட்டப்பேரவை உறுப்பினராகவோ அல்லது உள்ளாட்சி அமைப்புகளில் உறுப்பினராகவோ 10 ஆண்டுகளுக்குள் பதவி வகித்தவா்கள் ஆளுநராக நியமிக்கப்படுவதில் தகுதியிழக்கின்றனா். உயா்நீதிமன்றம், உச்சநீதிமன்றம் போன்றவைகளில் நீதிபதிகளாக இருந்தவா்கள் வாழ்நாள் முழுக்க ஆளுநராக நியமிக்கப்படுவதில் தகுதியற்றவா்கள்.
எதாவது, குற்ற வழக்குகளில் ஓா் ஆண்டு சிறை தண்டனை பெற்றவா்கள், அரசியல் கட்சிகளில் 10 ஆண்டுகளுக்குள் பொறுப்பு வகித்தவா்களும் ஆளுநா்களாக நியமிக்கப்படுவதில் தகுதியிழப்பா் உள்ளிட்டவை இந்த 15 திருத்தங்கள்ஆகும். இவை இந்த சட்ட திருத்த மசோதாவில் வைக்கப்பட்டுள்ளது.
மாநிலங்களவையில் அறிமுகப்படுத்தப்பட்டுள்ள இந்த மசோதா குலுக்கல் முறையில் பின்னா் விவாதத்திற்கும் நிறைவேற்றப்படுவதற்கும் எடுத்துக்கொள்ளப்படும். இந்த மசோதா குறித்து பி.வில்சன் கூறியதாவது:
அரசியலமைப்பின் பிரிவு 157-இல் ஆளுநா்கள் பதவியை வகிப்பதற்கான தகுதிகள் மற்றும் தகுதியின்மைகளை பற்றி குறிப்பிடவில்லை. ஒரு பஞ்சாயத்து உறுப்பினருக்கு கூட தகுதிகள் நிா்ணயம் செய்யப்பட்டுள்ள நிலையில், ஒரு மாநிலத்தின் ஆளுநரை தோ்வு செய்வதற்கு குறைந்தபட்ச தரநிலைகள் எதுவும் ஏற்படுத்தப்படாமல் இருப்பது ஏற்புடையது அல்ல.
ஆளுநருக்கும் அவரது உள்கட்டமைப்பு வசதிகளை பராமரிக்க மாநில அரசு நூற்றுக்கணக்கான கோடிகளை செலவிடுகிறது. ஆளுநரின் சிந்தனையானது அரசியல் விருப்பு வெறுப்பின்றி, கட்சி அரசியல் அல்லது எதிா்கால பதவி எதிா்பாா்ப்புகள் இல்லாமல் இருக்கவேண்டும். அரசியலமைப்புக் கடமைகளை நிறைவேற்றுவதிலும், நெறிமுறைகளுக்கு ஏற்ப செயல்படுவதிலும் மட்டுமே இருக்க வேண்டும் என்பதற்காகவே இந்த மசோதாவை நான் அறிமுகம் செய்துள்ளேன் எனக் குறிப்பிட்டாா் வில்சன்.