ஈரோடு கிழக்கு சட்டசபை தொகுதியில் வாக்கு எண்ணிக்கை விறுவிறுப்பாக நடந்து வருகிறது. 9வது சுற்று நிலவரப்படி திமுக வேட்பாளர் சந்திரகுமார் 64710 ஓட்டுகள் பெற்று, 51272 வாக்கு வித்தியாசத்தில் முன்னிலையில் உள்ளார். சீமானின் நாம் தமிழர் கட்சி வேட்பாளர் சீதாலட்சுமி 13438 ஓட்டுகளுடன் கடும் பின்னடைவை சந்தித்துள்ளார்.
ஈவிகேஎஸ் இளங்கோவன் மறைவைத் தொடர்ந்து ஈரோடு கிழக்கு சட்டமன்ற தொகுதிக்கு 2வது முறையாக இடைத் தேர்தல் அறிவிக்கப்பட்டது. பிப்ரவரி 5ஆம் தேதி அன்று தேர்தல் நடைபெற்றது. இன்று வாக்கு எண்ணிக்கை நடைபெற்று வருகிறது. ஈரோடு கிழக்கு சட்டமன்றத் தொகுதி இடைத்தேர்தலில் திமுக வேட்பாளர் சந்திரகுமார், நாம் தமிழர் கட்சி வேட்பாளர் சீதாலட்சுமி, தவிர நாடாளும் மக்கள் கட்சி, சமாஜ்வாதி கட்சி உள்ளிட்ட 13 அரசியல் கட்சிகளைச் சேர்ந்த வேட்பாளர்களும், 33 சுயேச்சைகளும் களத்தில் இருக்கின்றனர். தேர்தலில் பதிவான வாக்குகள் சித்தோடு அரசு பொறியியல் கல்லூரி வளாகத்தில் வைத்து எண்ணப்பட்டு வருகிறது.
9வது சுற்று நிலவரப்படி திமுக வேட்பாளர் சந்திரகுமார் 64710 ஓட்டுகள் பெற்று, 51272 வாக்கு வித்தியாசத்தில் முன்னிலையில் உள்ளார். சீமானின் நாம் தமிழர் கட்சி வேட்பாளர் சீதாலட்சுமி 13438 ஓட்டுகளுடன் கடும் பின்னடைவை சந்தித்துள்ளார்.