“காவிரி நீர் விவகாரத்தில் தமிழ்நாடு ஒத்துழைப்பு நல்காது என்பது எங்களுக்குத் தெரியும். இவ்விவகாரத்திற்கு நீதிமன்றம் மூலமே தீர்வு காண முடியும்” என்று துணை முதல்வர் டி.கே. சிவக்குமார் கூறியுள்ளார்.
கர்நாடகத்தில் விலைவாசி உயா்வைக் கண்டித்து அம்மாநிலத்தில் பிரதான எதிர்க்கட்சியான பாஜக போராட்டத்தை முன்னெடுத்துள்ளது. இதனை விமர்சித்துள்ள அம்மாநில துணை முதல்வர் டி. கே. சிவக்குமார், விலைவாசி உயர்வின் பிதாமகன் பாஜக என்று எதிர்வினையாற்றியுள்ளார்.
கர்நாடகத்தில் பால், பெட்ரோல், டீசல் உள்பட பல அத்தியாவசியப் பொருள்களின் விலை உயர்த்தப்பட்டுள்ள நிலையில், இதுகுறித்து இன்று சனிக்கிழமை(ஏப். 5) டி. கே. சிவக்குமார் கூறுகையில், “விலைவாசி உயர்வின் பிதாமகன் அவர்கள்(பாஜக). நாங்கள் பாலின் விலையை உயர்த்தியுள்ளோம். இந்த நடவடிக்கை விவசாயிகளுக்குப் பலனளிக்கும்” என்றார்.
மேலும், ”காவிரி நீர் விவகாரத்தில் தமிழ்நாடு ஒத்துழைப்பு நல்காது என்பது எங்களுக்குத் தெரியும். இவ்விவகாரத்திற்கு நீதிமன்றம் மூலமே தீர்வு காண முடியும்” என்றும் தெரிவித்துள்ளார்.