மதுரை வடக்கம்பட்டி அருகே அழகுசிறை கிராமத்தில் உள்ள பட்டாசு ஆலை வெடி விபத்தில் ஒரு பெண் உட்பட 5 பேர் உயிரிழப்பு, 10-க்கும் மேற்பட்டோர் காயம் எனத் தகவல் வெளியாகியுள்ளது.
மதுரை மாவட்டம் உசிலம்பட்டி அருகே வடக்கம்பட்டி அழகுசிறையில் செயல்பட்டு வந்த வெள்ளையப்பன் என்பவருக்கு சொந்தமான பட்டாசு ஆலையில் திடீர் வெடி விபத்து ஏற்பட்டது. இதில் இரண்டு குடோன்களில் பணியாற்றிக் கொண்டிருந்த 5 பேர் உடல் சிதறி பலியான சூழலில் பத்துக்கும் மேற்பட்டோர் படுகாயமடைந்துள்ளதாக தகவல் வெளியாகியுள்ளது.
வெடி விபத்தில் வடக்கம்பட்டியைச் சேர்ந்த வல்லரசு, அம்மாவாசி, பிரேமா, விக்கி, கோபி ஆகியோர் அடையாளம் காணப்பட்டுள்ளார். மேலும், அழகுசிறையைச் சேர்ந்த அங்கம்மாள், கருப்பசாமி, நாகலட்சுமி, மகாலெட்சுமி, ஜெயப்பாண்டி, பச்சையக்காள், கருப்பசாமி, அன்னலட்சுமி, மாயத்தேவர், பாண்டியம்மாள், பேச்சியம்மாள் உள்ளிட்ட 13 பேர் படுகாயமடைந்தனர்.