நடிகை ஹன்சிகா மோத்வானி விரைவில் திருமணம் செய்யவுள்ள நிலையில் தனது தோழிகளுடன் பேச்சுலர் பார்ட்டி கொண்டாடியுள்ளார்.
தமிழ் சினிமாவில் முன்னணி நடிகையாக ஏராளமான படங்கள் நடித்துள்ள ஹன்சிகா, தமிழில் விஜய், சூர்யா, கார்த்தி, சிம்பு, ஜெயம் ரவி உள்ளிட்ட பல முன்னணி நடிகர்களுடனும் இணைந்து நடித்துள்ளார். ஹன்சிகா விரைவில் தன்னுடைய குடும்ப நண்பரான மும்பையைச் சேர்ந்த பிரபல தொழிலதிபர் சோஹேல் கதூரியாவை திருமணம் செய்து கொள்ளவுள்ளார். ஜெய்ப்பூர் நகரத்தில் உள்ள 450 வருடங்கள் பழமை வாய்ந்த மண்டோடா ஃபோர்ட் அரண்மனையில் வருகிற டிசம்பர் மாதம் 4 ஆம் தேதி இவர்களது திருமணம் நடைபெறவுள்ளதாக கூறப்படுகிறது. மேலும் ஹன்சிகாவின் திருமணத்தை ஒளிபரப்பு செய்யும் உரிமையை ஹாட்ஸ்டார் ஓடிடி தளம் வாங்கி உள்ளதாகவும், ரூ.16 கோடி கொடுத்து இந்த உரிமையை அந்நிறுவனம் வாங்கி உள்ளதாகவும் தகவல்கள் வெளியாகியுள்ளன.
இந்நிலையில் திருமணத்திற்கு இன்னும் ஒரு வாரமே எஞ்சியுள்ள நிலையில், தனது தோழிகளுக்கு பேச்சுலர் பார்ட்டி கொடுத்துள்ளார் ஹன்சிகா. கிரீஸ் நாட்டில் இந்த பேச்சிலர் பார்ட்டியை தனது தோழிகளுடன் கொண்டாடி இருக்கிறார். இதுவரை இல்லாத வகையில் சிறப்பான முறையில் இந்த பேச்சிலர் பார்ட்டி நடந்ததாக அந்த பதிவில் குறிப்பிட்டுள்ளார் ஹன்சிகா. அந்த வீடியோவில் பேச்சுலர் பார்ட்டியின் போது குடித்துவிட்டு தோழிகளுடன் ஆட்டம் போடும் வீடியோவையும், கையில் மதுவுடன் கிரீஸ் நகரின் வீதிகளில் வலம் வந்த வீடியோ மற்றும் அங்கு தனது தோழிகளுடன் மேட்சிங் மேட்சிங் உடையணிந்து எடுக்கப்பட்ட புகைப்படங்களையும் பதிவிட்டுள்ளார் ஹன்சிகா.