பத்து தல படத்தின் பிரமாண்ட இசை வெளியீட்டு விழா வருகிற மார்ச் 18ம் தேதி, சென்னை நேரு உள்விளையாட்டு அரங்கத்தில் நடைபெற உள்ளது.
‘வெந்து தணிந்தது காடு’ படத்தின் வெற்றிக்கு பிறகு சிம்பு நடிப்பில் உருவாகியுள்ள திரைப்படம் ‘பத்து தல’. இந்த படத்தில் சிம்புவுடன் இணைந்து கவுதம் கார்த்திக் முக்கிய கதாபாத்திரத்தில் நடித்துள்ளார். கதாநாயகியாக பிரியா பவானி சங்கர் நடித்துள்ளார். இவர்களுடன் டீஜே அருணாச்சலம், கலையரசன் உள்ளிட்டோர் நடித்துள்ளனர். கிருஷ்ணா இயக்கியுள்ளார். கன்னடத்தில் சூப்பர் ஹிட் அடித்த ‘முப்தி’ படத்தின் தமிழ் ரீமேக்காக இப்படம் உருவாகியுள்து. ஸ்டுடியோ கிரீன் நிறுவனம் தயாரிக்க, ஏ.ஆர்.ரஹ்மான் இசையமைத்துள்ளார்.
சமீபத்தில் இப்படத்தின் டீசர் மற்றும் பாடல்கள் வெளியாகி ரசிகர்களுக்கிடையே வரவேற்பை பெற்றது. அடுத்து பத்து தல படத்தின் பிரமாண்ட இசை வெளியீட்டு விழா வருகிற மார்ச் 18ம் தேதி, சென்னை நேரு உள்விளையாட்டு அரங்கத்தில் நடைபெற உள்ளது. இந்த நிகழ்ச்சியில் பல திரை பிரபலங்கள் சிறப்பு விருந்தினர்களாக கலந்துகொள்ள உள்ளனர்.