விருதுநகர், ராமநாதபுரம், திண்டுக்கல், நாமக்கல், நீலகிரி, திருப்பூர், கிருஷ்ணகிரி, திருவள்ளூர், நாகை, அரியலூர், கள்ளக்குறிச்சி ஆகிய இடங்களில் புதிதாக அமைக்கப்பட்டுள்ள
மருத்துவக் கல்லூரிகள் திறப்பு விழா வரும் 12ம் தேதி நடைபெறவுள்ளது. இதில் பிரதமர் மோடி நேரடியாக கலந்துகொண்டு கல்லூரிகளைத் திறந்து வைக்க இருப்பதாக ஏற்கனவே அறிவிக்கப்பட்டது. ஆனால், தமிழ்நாட்டில் கொரோனா பரவல் காரணமாக, பல்வேறு கட்டுப்பாடுகள் விதிக்கப்பட்டுள்ளதால், பிரதமரின் தமிழக வருகை ரத்து செய்யப்பட்டுள்ளது என்று தகவல் வெளியாகியுள்ளது.
அதே நேரம் தமிழ்நாட்டில் 11 மருத்துவக் கல்லூரிகளை காணொலி மூலமாக டெல்லியில் இருந்தே பிரதமர் மோடி திறந்து வைக்கிறார்.
முன்னதாக பாஜக சார்பில் ஏற்பாடு செய்யப்பட்டிருந்த மோடி பொங்கல் நிகழ்ச்சியும், தமிழ்நாட்டில் கொரோனா பரவல் காரணமாக ரத்தானதாக அறிவிப்பு வெளியானது.