‘இந்தியன் 2’ படத்தில் நடித்து வரும் கமல் அடுத்ததாக மணிரத்னம் இயக்கத்தில் புதிய படம் ஒன்றில் நடிக்க இருக்கிறார். ‘தக் லைஃப்’ என டைட்டில் வைக்கப்பட்டுள்ள இப்படத்தின் டீசர் அண்மையில் வெளியாகி சோஷியல் மீடியாவில் பட்டையை கிளப்பியது. இந்நிலையில் ‘தக் லைஃப்’ படத்தில் அபிராமி இணைந்துள்ளதாக தகவல்கள் வெளியாகியுள்ளன.
கமல் நடிப்பில் கடைசியாக ‘விக்ரம்’ படம் வெளியாகி வேறலெவல் ஹிட்டடித்தது. லோகேஷ் கனகராஜ் இயக்கத்தில் ரிலீசான இப்படம் பாக்ஸ் ஆபிஸில் பட்டையை கிளப்பியது. ‘விக்ரம்’ படத்தின் பிரம்மாண்ட வெற்றியை தொடர்ந்து நடிப்பு, இயக்கம், தயாரிப்பு, பிக்பாஸ் என படு பிசியாக இயங்கி வருகிறார். விக்ரம் வெற்றிக்கு பிறகு அடுத்தடுத்து பல படங்களில் கமிட் ஆகி நடித்து வருகிறார். அந்த வகையில் தற்போது ஷங்கர் இயக்கத்தில் உருவாகி வரும் ‘இந்தியன் 2’ படத்தில் நடித்து வருகிறார் கமல். கொரோனாவிற்கு முன்பிருந்தே ஆரம்பிக்கப்பட்ட இப்படம், கடந்த சில வருடங்களாகவே தயாரிப்பில் இருக்கிறது. இப்படத்தின் ஷுட்டிங் தற்போது மும்முரமாக நடந்து வருகிறது. இதனிடையில் மணிரத்னம் இயக்கத்தில் நடிக்கவும் கமிட் ஆகியுள்ளார் மணிரத்னம்.
கமல், மணிரத்னம் காம்போவில் வெளியான ‘நாயகன்’ படம் இன்றளவும் தமிழ் சினிமா ரசிகர்கள் இடையில் மாஸ்டர் பீஸாக கொண்டாடப்பட்டு வருகிறது. இதனைடுத்து தற்போது 35 ஆண்டுகளுக்கு பிறகு இந்த கூட்டணி மீண்டும் இணைந்துள்ளது ரசிகர்கள் இடையில் மிகுந்த எதிர்பார்ப்பினை கிளப்பியுள்ளது. இப்படத்தின் ‘தக் லைஃப்’ டைட்டில் டீசர் அண்மையில் வெளியாகி ரசிகர்கள் இடையில் பெரும் வரவேற்பினை பெற்றது.
இந்நிலையில் இப்படத்தில் நடிகை அபிராமி இணைந்துள்ளதாக தகவல்கள் வெளியாகியுள்ளன. கமலின் ‘விருமாண்டி’ படத்தின் மூலமாக பிரபலமானவர் அபிராமி. பல படங்களில் நடித்திருந்தாலும் ‘விருமாண்டி’ அபிராமிக்கு பெரும் புகழை தந்தது. இதனையடுத்து திருமணத்திற்கு பிறகு சினிமாவில் இருந்து விலகி இருந்தவர், தற்போது மீண்டும் நடித்து வருகிறார்.
இந்நிலையில் ‘விருமாண்டி’ படத்திற்கு பிறகு தற்போது மீண்டும் 20 ஆண்டுகளுக்கு பிறகு ‘தக் லைஃப்’ மூலமாக கமலுடன் இணைந்துள்ளார் அபிராமி. இதனை அவரே உறுதிப்படுத்தவும் செய்துள்ளார். ஜனவரியில் இதன் படப்பிடிப்பிலும் அவர் கலந்துக்கொள்ள இருப்பதாக கூறப்படுகிறது. மேலும், ‘தக் லைஃப்’ படத்தில் திரிஷா, ஜெயம் ரவி, துல்கர் சல்மான் உள்ளிட்ட பிரபலங்களும் இணைந்து நடிப்பது குறிப்பிடத்தக்கது.