இயக்குனர் அருண் மாதேஸ்வரன் இயக்கத்தில் தனுஷ், பிரியங்கா மோகன் நடித்திருக்கும் திரைப்படம் கேப்டன் மில்லர். இந்த படத்தில் ஒரு முக்கியமான கதாபாத்திரத்தில் நடித்திருக்கிறார் நடிகை நிவேதிதா சதீஷ். கேப்டன் மில்லர் திரைப்படம் குறித்து பேசிய நிவேதிதா அவரது மூன்று கனவுகளும் நிறைவேறியதாக பேசி இருக்கிறார்.
இயக்குனர் அருண் மாதேஸ்வரன் இயக்கத்தில் தனுஷ், பிரியங்கா மோகன், கன்னடா நடிகர் சிவராஜ்குமார் நடிப்பில் உருவாகி இருக்கும் திரைப்படம் கேப்டன் மில்லர். இந்த படத்திற்கு இசையமைப்பாளர் ஜிவி பிரகாஷ் இசை அமைத்திருக்கிறார். தனுஷின் 47வது படமாக உருவாக்கப்பட்டு இருக்கும் இந்த திரைப்படத்தை சத்ய ஜோதி பிலிம்ஸ் நிறுவனம் தயாரித்திருக்கிறது.
இந்த படத்தில் தனுஷ், பிரியங்கா மோகன், சிவராஜ்குமார் மட்டுமல்லாது சந்தீப் கிஷான், ஜான் கோக்கென், நிவேதிதா சதீஷ் என எண்ணற்ற நடிகர்கள் நடித்திருக்கிறார்கள். மிகவும் பெரிய பட்ஜெட்டில், பீரியாடிக் திரைப்படமாக உருவாகி இருக்கும் இந்த திரைப்படம் ஆக்சன் அட்வென்ச்சர் படமாக இருக்கும் என கூறப்பட்டிருக்கிறது. அதிக எதிர்பார்ப்புக்கு மத்தியில் வரும் ஜனவரி 12ஆம் தேதி பொங்கல் முன்னிட்டு கேப்டன் மில்லர் திரைப்படம் ரிலீஸ் ஆகிறது.
இந்த படத்தில் முக்கியமான கதாபாத்திரத்தில் நடித்திருக்கிறார் நடிகை நிவேதிதாஸ் சதீஷ். நடிகை நிவேதிதா தமிழ் மட்டுமல்லாது தெலுங்கு படங்களிலும் நடித்து வருகிறார். மகளிர் மட்டும் திரைப்படத்தில் சரண்யா பொன்வண்ணனின் இளைய கதாபாத்திரத்தில் நடித்து சினிமாவில் என்ட்ரி கொடுத்த இவர் தொடர்ந்து பல படங்களில் குணசத்திர கதாபாத்திரத்தில் நடித்து வருகிறார்.
இன்ஸ்டாகிராமில் அதிக ரசிகர்களை கொண்டிருக்கிறார் நிவேதிதா. நடிகை நிவேதிதா சதீஷ் கேப்டன் மில்லர் திரைப்படத்தில் முக்கிய கதாபாத்திரத்தில் நடித்திருக்கிறார். அந்த வகையில் இந்த படம் குறித்து பேசிய நிவேதிதா சதீஷ் அவரது மூன்று கனவும் இந்த ஒரே படத்தின் மூலமாக நிறைவேறி இருப்பதாக ஆனந்தமாக பேசியிருக்கிறார்.
நடிகை நிவேதிதா சதீஷ் கேப்டன் மில்லர் படத்தை பற்றி பேசியபோது, இது தனக்கு ஒரு கனவு போல தோன்றுவதாகவும், வளர்ந்து வரும் நடிகையான அவருக்கு இது மிகப்பெரிய மேடையாக இருப்பதாகவும் பெருமிதத்துடன் பேசி இருக்கிறார். மேலும் அவர் சினிமாவிற்குள் நடிப்பதற்காக வந்தபிறகு அவருக்கு மூன்று பெரிய கனவுகள் இருந்ததாகவும் அந்த மூன்று கனவுகளுமே கேப்டன் மில்லர் திரைப்படத்தின் மூலம் நிறைவேறியதாகவும் பேசியிருக்கிறார்.
பெரிய பட்ஜெட் படத்தில் நடிக்க வேண்டும் என்பது அவரது முதல் ஆசையாக இருந்திருக்கிறது. கேப்டன் மில்லர் திரைப்படம் மிகப்பெரிய பட்ஜெட்டில் உருவாக்கப்பட்டிருக்கிறது. அது மட்டுமில்லாமல் பீரியாடிக் ஜானர் படங்களில் நடிக்கவேண்டும் என்பது அவரது நீண்ட நாள் ஆசையாக இருந்திருக்கிறதாம். அந்த வகையில், கேப்டன் மில்லர் படமும் பீரியாடிச் ஜானர் படம் என்பது குறிப்பிடத்தக்கது.
நடிகை நிவேதிதா சதீஷுக்கு தமிழ் சினிமாவில் பிடித்தமான நடிகர் என்றால் தனுஷ்தான். தனுஷுடன் ஒரு படமாவது நடிக்க வேண்டும் என ஆசைப்பட்ட நிவேதிதாவிற்கு, கேப்டன் மில்லர் திரைப்படம் ஒரு வாய்ப்பாக அமைந்திருக்கிறது. இந்த வகையில் சினிமாவிற்குள் நுழையும்போது அவருக்கு இருந்த மூன்று ஆசையுமே கேப்டன் மில்லர் திரைப்படத்தில் நடித்ததன் மூலம் நிறைவேறி இருப்பதாக கூறியிருக்கிறார் நிவேதிதா சதீஷ்.