தமிழக பாஜக தலைவர் அண்ணாமலைக்கு இருப்பது உண்மையில் ஐபிஎஸ் மூளை தானா என்று சோதித்து பார்க்க புது டெஸ்ட் வைத்துள்ளார் தமிழர் முன்னேற்றப் படை தலைவர் வீரலட்சுமி.
சீமான் – விஜயலட்சுமி விவகாரத்தின் மூலமாக வெளியுலகுக்கு தெரியவந்தவர் தான் வீரலட்சுமி. தன்னை திருமணம் செய்து கொண்டு சீமான் ஏமாற்றிவிட்டதாக விஜயலட்சுமி குற்றம்சாட்டிய நிலையில், அவருடன் சேர்ந்து கொண்டு சீமான் மீது போலீஸில் புகார் அளிப்பதும், ஊடகங்களில் சீமானை தரக்குறைவாக பேசுவதையுமே முழுநேர வேலையாக வைத்திருந்தார் வீரலட்சுமி. இந்த சூழலில், சீமான் மீது தான் கொடுத்த புகாரை சட்டென வாபஸ் வாங்கிய விஜயலட்சுமி, பெங்களூருக்கு புறப்பட்டு விட, விஜயலட்சுமிக்கும், வீரலட்சுமிக்கும் இடையே மோதல் வெடித்தது. இதையடுத்து, இருவரும் ஒருவரையொருவர் திட்டியும், பேசியும் வீடியோ வெளியிட்டு வந்தனர்.
இப்படிப்பட்ட சூழலில், திடீரென தனது பார்வையை தமிழக பாஜக தலைவர் அண்ணாமலை மீது திருப்பினார் வீரலட்சுமி. சென்னை – பெங்களூர் நெடுஞ்சாலை திட்டத்தில் பல கோடி ஊழல் நடைபெற்றிருப்பதாகவும், இதில் ரூ.1000 கோடி அளவுக்கு விஞ்ஞான ரீதியாக அண்ணாமலை ஊழல் செய்திருப்பதாகவும் வீரலட்சுமி சில மாதங்களுக்கு முன்பு தெரிவித்திருந்தார். இதையடுத்து, இதுகுறித்து அண்ணாமலையிடம் நிருபர்கள் கேட்ட போது, “அண்ணே.. வீரலட்சுமி யாருனே எனக்கு தெரியாது. கோவில்பட்டியில் ஆங்கிலேயரை எதிர்த்து சண்டை போட்ட வீரலட்சுமி என்ற வீராங்கனையை பற்றி மட்டுமே தெரியும். மற்றபடி, இந்த வீரலட்சுமி, சூரலட்சுமி, பங்காருலட்சுமியை எல்லாம் எனக்கு தெரியாது. என்னை பற்றி என்ன ஆவணம் இருந்தாலும் அவர் வெளியிடட்டும்” என சிரித்துக் கொண்டே பதிலளித்தார். இதனால் ஆத்திரமடைந்த வீரலட்சுமி, அண்ணாமலையை சரமாரியாக திட்டி ஒரு வீடியோவை வெளியிட்டார்.
இந்நிலையில், தற்போது மீண்டும் அண்ணாமலையை வம்பிழுத்து ஒரு வீடியோவை வெளியிட்டிருக்கிறார் வீரலட்சுமி. அதில் அவர் கூறியுள்ளதாவது:-
அண்ணாமலை ஐபிஎஸ் அவர்களே, முதலில் நீங்கள் நடத்தும் என் மண் என் மக்கள் யாத்திரையை நிறுத்துங்க. மக்களை ஏமாத்தாதீங்க. என்னுடைய கேள்விக்கு முதலில் பதில் சொல்லுங்க.
ப்ளாக் மணியை ஒயிட் மணியாக மாற்றி, அந்த ஒயிட் மணியை அரசு பணத்தில் டிரிபிள் மடங்காக மாத்தும் வித்தையை பாஜக மாநில மகளிரணி தலைவர் மாலினி ஜெயச்சந்திரன் மூலமாக பாஜக செய்ததை நாங்கள் கண்டுபிடிச்சிட்டோம். ஏற்கனவே மாலினி ஜெயச்சந்திரன் ரூ.1500 கறுப்பு பணத்தை வைத்து சொத்து வாங்கியதை நாங்கள் கண்டுபிடித்து அவர் மீது ஐடி அலுவலகத்தில் புகார் கொடுத்திருக்கோம். இப்போ இரண்டாவது முறையாக மீண்டும் மாலினி ஜெயச்சந்திரன், அவங்க மகள் பெயரில் இருக்கும்1500 கோடி மதிப்பிலான சொத்துப் பத்திரத்தை நாங்க எடுத்திருக்கோம்.
நீங்க உண்மையாகவே ஐபிஎஸ் படித்திருந்தால், உங்களுக்கு உண்மையாகவே ஐபிஎஸ் மூளை இருந்தால், உங்களுக்கு உண்மையிலேயே தில்லும், திராணியும் இருந்தால் இந்த 1500 கோடி சொத்து பத்திரத்தில் உள்ளவர்களின் பெயர்களை நீங்க நாட்டு மக்களுக்கு சொல்லுங்க. அப்படி உங்களால முடியலைனா.. விட்ருங்க.. நாங்க சொல்லிக்கிறோம். இவ்வாறு வீரலட்சுமி கூறினார்.