நடிகர் ஜீவா நடிப்பில் உருவாகியுள்ள பிளாக் படத்தின் வெளியீட்டுத் தேதி அறிவிக்கப்பட்டுள்ளது.
ஆசை ஆசையாய் படத்தின் மூலம் தமிழ் சினிமாவில் அறிமுகமானவர் நடிகர் ஜீவா. தொடர்ந்து, சிவா மனசுல சக்தி, கற்றது தமிழ் போன்ற காதல் திரைப்படங்களில் நடித்து தனக்கென ரசிகர்களை உருவாக்கினார். இதனைத் தொடர்ந்து, அதிரடிப் படங்களில் நடிக்கத் தொடங்கினார். சமீபத்தில் இவரது நடிப்பில் வெளியான படங்கள் கலவையான விமர்சனங்களையே பெற்றது.
தற்போது, பிளாக் என்ற புதிய படத்தில் ஜீவா நடித்து முடித்துள்ளார். இப்படம் கிரைம் திரில்லர் பாணியில் உருவாகியிருக்கிறது. பொடென்சியல் ஸ்டூடியோஸ் தயாரித்துள்ள இப்படத்தை கேஜி பாலசுப்ரமணி இயக்கியுள்ளார். பிரியா பவானி சங்கர் நாயகியாக நடித்துள்ளார்.
இந்த நிலையில், பிளாக் திரைப்படம் வரும் அக்டோபர் 11 ஆம் தேதி வெளியாகும் என்று படக்குழு அதிகாரப்பூர்வமாக அறிவிக்கப்பட்டுள்ளது.