சிம்பு அஸ்வத் மாரிமுத்து இயக்கத்தில் தன் அடுத்த படத்தில் நடிக்கவுள்ளார். இப்படத்தின் நாயகியாக GOAT படத்தில் நடித்த மீனாட்சி சவுத்ரி நடிக்க இருப்பதாக தகவல் வந்துள்ளது
சிம்பு தற்போது கமல்ஹாசன் நடிப்பில் உருவாகும் தக்லைப் திரைப்படத்தில் நடித்து முடித்துள்ளார். என்னதான் சிம்பு மாநாடு படத்திற்கு முன்பு பல வெற்றிகளை பெற்றிருந்தாலும் மாநாடு படம் அவருக்கு மிகப்பெரிய கம்பேக் படம் என்றே சொல்லலாம். சிம்பு இனி அவ்வளவுதான், அவர் படங்களில் நடிக்காமாட்டார். அப்படியே நடித்தாலும் அப்படம் ஓடாது என சிலர் விமர்சித்தார்கள். அந்தளவிற்கு சிம்பு உடல் எடை கூடி பல சர்ச்சைகளில் சிக்கியிருந்தார். இருந்தாலும் தான் யார் என மீண்டும் நிரூபிக்கும் முனைப்பில் கடினமாக போராடி மீண்டும் பழைய சிம்புவாக செம ஸ்டைலிஷாக மாநாடு படத்தின் மூலம் என்ட்ரி கொடுத்தார்.
இதைத்தொடர்ந்து வெந்து தணிந்தது காடு, பத்து தல என தொடர் வெற்றிகளை குவித்து வருகின்றார். இதையடுத்து சிம்பு கமலுடன் இணைந்து தக்லைப் படத்தில் நடித்து முடித்துள்ளார். இப்படத்தில் கமலுக்கு இணையான ஒரு ரோலில் சிம்பு நடித்துள்ளதாக தகவல் வந்துள்ளது. இப்படத்தில் சிம்புவிற்கு ஜோடியாக த்ரிஷா நடித்துள்ளார்.
இந்நிலையில் சிம்பு தக்லைப் படத்திற்கு பிறகு தேசிங்கு பெரியசாமி இயக்கத்தில் உருவாகும் STR 48 படத்தில் நடிப்பார் என்றுதான் எதிர்பார்க்கப்பட்டது. ஆனால் அப்படம் மிகப்பெரிய பட்ஜெட்டில் உருவாகும் படம் என்பதால் அப்படத்தை துவங்கிய சில நாட்கள் ஆகும் என தெரிகின்றது. அதன் காரணமாகாவே அதற்குள் வேறொரு படத்தில் நடித்துவிடலாம் என முடிவெடுத்த சிம்பு அஸ்வத் மாரிமுத்து இயக்கத்தில் நடிக்க கமிட்டாகியுள்ளார். ஏ.ஜி.எஸ் நிறுவனம் தயாரிப்பில் உருவாகும் இப்படம் வின்டேஜ் சிம்புவை மீண்டும் திரையில் கொண்டு வரும் என எதிர்பார்க்கப்படுகின்றது. முழுக்க முழுக்க சிம்புவை கொண்டாடும் வகையில் இப்படத்தை அஸ்வத் மாரிமுத்து உருவாக்கவுள்ளாராம். எனவே கண்டிப்பாக இப்படம் சிம்புவின் ரசிகர்களுக்கு செம ட்ரீட்டாக அமையும் என்பதில் எந்த சந்தேகமும் இல்லை.
இந்நிலையில் இப்படத்தின் படப்பிடிப்பு விரைவில் துவங்கவுள்ள நிலையில் இப்படத்தில் நாயகியாக நடிக்கப்போவது யார் என தற்போது தெரியவந்துள்ளது. அதன்படி GOAT படத்தில் நாயகியாக நடித்த மீனாட்சி சவுத்ரி தான் இப்படத்தில் நாயகியாக நடிக்கவுள்ளார் என தகவல் வந்துள்ளது. மேலும் இப்படத்தில் அவருக்கு மிக முக்கியமான ஒரு ரோலும் கொடுக்கப்பட்டு இருப்பதாக தெரிகின்றது. ஆனால் இத்தகவல் இன்னும் உறுதியாகவில்லையாம். தற்போது பேச்சுவார்த்தை தான் போய்க்கொண்டு இருக்கின்றதாம். விரைவில் மீனாட்சி சவுத்ரி இப்படத்தில் அதிகாரபூர்வமாக கமிட்டாவார் என எதிர்பார்க்கப்படுகின்றது.