குட் பேட் அக்லி திரைப்படத்தின் வெளியீட்டுத் தேதி குறித்து தகவல் வெளியாகியுள்ளது. பொங்கலுக்கு ‘குட் பேட் அக்லி’ திரைப்படம் வெளியாகும் என்று வெளிநாட்டு விநியோகஸ்தர்களுக்கு தயாரிப்பு நிறுவனம் தெரிவித்திருக்கிறது.
அஜித் நடிப்பில் ‘விடாமுயற்சி’ மற்றும் ‘குட் பேட் அக்லி’ ஆகிய படங்கள் தயாராகி வருகின்றன. இதில் எது முதலில் வெளியாகும் என்பது தெரியாமலேயே இருக்கிறது. தற்போது ‘குட் பேட் அக்லி’ பொங்கலுக்கு வெளியாகும் என்று தயாரிப்பு நிறுவனம் உறுதிப்படுத்தி இருக்கிறது. தங்களது வெளிநாட்டு விநியோகஸ்தர்களிடம் ஜனவரி 10-ம் தேதி வெளியீடு என தெரிவித்திருக்கிறது.
தற்போது ஸ்பெயின் நாட்டில் ‘குட் பேட் அக்லி’ படப்பிடிப்பு நடைபெற்று வருகிறது. அதனை முடித்துவிட்டு இந்தியாவில் சில காட்சிகளை படமாக்க உள்ளார்கள். அதற்கு பிறகு இறுதிகட்டப் பணிகளை விரைவுப்படுத்த படக்குழு முடிவு செய்திருக்கிறது. ஆதிக் ரவிச்சந்திரன் இயக்கியுள்ள இப்படத்தில் அஜித், த்ரிஷா, பிரசன்னா, அர்ஜுன் தாஸ் உள்ளிட்ட பலர் நடித்துள்ளனர். மைத்ரி மூவி மேக்கர்ஸ் தயாரித்து வரும் இப்படத்துக்கு தேவி ஸ்ரீபிரசாத் இசையமைத்து வருகிறார்.
‘குட் பேட் அக்லி’ படத்துக்கு முன்பாகவே ‘விடாமுயற்சி’ படப்பிடிப்பு தொடங்கப்பட்டது. ஆனால், அதன் பணிகள் இன்னும் முடிவடையவில்லை. மேலும், இன்னும் ஒரு பாடல் மற்றும் சில காட்சிகள் படமாக்க வேண்டியதுள்ளது. இதனால் இப்படத்தின் வெளியீடு அஜித் பிறந்த நாளான மே 1 ஆக இருக்கும் என கூறப்படுகிறது.