ஜெயம் ரவி, நித்யா மெனன் நடிப்பில் காதலிக்க நேரமில்லை படத்தின் புதிய பாடல் இணையத்தில் வெளியாகியுள்ளது.
ரெட் ஜெயன்ட் மூவிஸ் தயாரிப்பில் இயக்குநர் கிருத்திகா உதயநிதி இயக்கத்தில் ஏ.ஆர்.ரகுமான் இசையில், ஜெயம் ரவி, நித்யா மெனன் நடிப்பில் உருவாகியுள்ள திரைப்படம் ‘காதலிக்க நேரமில்லை’. நவீன காதல் கதையாக உருவாகியுள்ள இப்படம் அடுத்தாண்டு திரையரங்குகளில் வெளியாகவுள்ளது.
முன்னதாக படத்தில் இடம்பெற்ற, ‘என்னை இழுக்கதடி’ பாடல் வெளியாகி பெரிதாக ஹிட் அடித்தது. இந்த நிலையில், இப்படத்தின் இரண்டாவது பாடலான, ‘லாவண்டர் நிறமே..’ பாடல் இணையத்தில் வெளியாகி ரசிகர்களின் கவனத்தை ஈர்த்து வருகிறது. ‘லாவண்டர் நிறமே..’ பாடலுக்கு மஷூக் ரகுமான் வரிகளை எழுத ஆதித்யா ஆர்கே, அலெக்ஸாண்ட்ரா ஜாய் ஆகியோர் பாடியுள்ளனர்.