ரித்திக் ரோஷனுக்கும், தனக்கும் இடையே எதுவும் இல்லை என தெரிவித்தார் பாலிவுட் நடிகையான கரீனா கபூர். அடுத்த பெண்ணின் கணவருக்கு ஆசைப்படும் பெண் நான் இல்லை என கரீனா தன் நிலைப்பாட்டை தெளிவுபடுத்தியது குறித்து தற்போது பேசப்படுகிறது.
சூசன் கானுடன் திருமணம் நிச்சயிக்கப்பட்ட ரித்திக் ரோஷனுக்கும், கரீனா கபூருக்கும் இடையே தொடர்பு என முன்பு பேசப்பட்டது. விமானத்தில் இருவரும் ஓவர் நெருக்கமாக இருந்ததாக தகவல் வெளியாகி தீயாக பரவியது. ரித்திக்குடன் நெருக்கம் வைத்து அவரின் வருங்கால மனைவி சூசன் வாழ்க்கையை கெடுக்கிறாரே என கரீனா கபூரை விமர்சித்திார்கள். அது குறித்து கரீனா கபூர் கூறியதாவது:-
விமானத்தில் நான் ரித்திக் ரோஷனுடன் நெருக்கமாக இருந்ததாக பேசப்பட்டது. பப்ளிக்கா அப்படி செய்ய நான் முட்டாள் என நினைக்கிறார்கள். அதுவும் ரித்திக்கின் திருமணம் அன்று பேசப்பட்டது மோசம். முன்பே இப்படி பேச்சு வந்திருந்தால் வதந்தி என சிரித்திருக்கலாம். நான் அப்பொழுது நாட்டில் இல்லை. திரும்பி வந்ததும் ஆளாளுக்கு என்னிடம் அது குறித்து கேட்டார்கள். எனக்கு அதிர்ச்சியாக இருந்தது. ரித்திக்கிற்கு ஆள் இருக்கிறது. அவர் தப்பு செய்ய மாட்டார். எனக்கு சூசனை நன்றாக தெரியும். என்னை பற்றி சூசனுக்கு தெரியும். எனக்கு அடுத்த பெண்ணின் கணவர் தேவை இல்லை, அதுவும் எனக்கு தெரிந்த மற்றும் நான் மதிக்கும் பெண்ணின் ஆள். என் வாழ்வில் வரும் நபர் எனக்கு மட்டுமே என நினைப்பவள் நான். அவரை நான் யாருடனும் ஷேர் செய்ய மாட்டேன்.
எனக்கும், ரித்திக்கிற்கும் இடையே நட்பை தவிர வேறு எதுவும் இல்லை. எங்களுக்கு இடையே எதுவும் இருக்கவும் முடியாது. அவருக்கு திருமணமாகிவிட்டது. ஒரு குடும்பத்தை கெடுக்கும் பெண் இல்லை நான். அடுத்த பெண்ணின் சாபம் எனக்கு தேவை இல்லை. யார் குடும்பத்தையும் கலைக்கும் வகையில் எங்களை வளர்க்கவில்லை. இவ்வாறு அவர் கூறினார்.
ரித்திக் ரோஷன் ஹீரோவாக அறிமுகமான கஹோனா பியார் ஹை படம் மூலம் ஹீரோயினாக வேண்டியவர் கரீனா கபூர். ஆனால் அந்த படத்தில் இருந்து கரீனா விலகவே அமீஷா பட்டேல் நடித்தார். அதன் பிறகு யாதேன் படத்தில் ரித்திக் ரோஷனுக்கு ஜோடியாக நடித்தார் கரீனா. அப்பொழுது தான் வதந்தி கிளம்பியது.
ரித்திக் ரோஷன், கரீனா கபூர் இடையோன ரீல் கெமிஸ்ட்ரி ரசிகர்களுக்கு மிகவும் பிடித்துவிட்டது. இதையடுத்து கபி குஷி கபி கம், மே பிரேம் கி தீவானி ஹூ ஆகிய படங்களிலும் ரித்திக் ரோஷனும், கரீனா கபூரும் சேர்ந்து நடித்தார்கள் என்பது குறிப்பிடத்தக்கது.