திமுகவில் இணைந்த திவ்யா சத்யராஜுக்கு தகவல் தொழில்நுட்ப அணி துணைச் செயலாளர் பொறுப்பு தரப்பட்டுள்ளது.
இதுதொடர்பாக திமுக பொதுச்செயலாளர் துரைமுருகன் வெளியிட்ட அறிவிப்பில் கூறியுள்ளதாவது:-
திமுக சிறுபான்மை நல உரிமைப் பிரிவு தலைவராக டி.பி.எம்.மைதீன்கான், சிறுபான்மை பிரிவு துணைச் செயலாளராக பொறுப்பு வகித்து வரும் வி.ஜோசப்ராஜ் சிறுபான்மை நல உரிமைப் பிரிவு துணைத் தலைவராகவும், சிறுபான்மை நல உரிமை பிரிவு துணைச் செயலாளராக கே.அன்வர் அலி ஆகியோர் நியமிக்கப்படுகின்றனர்.
கோவை செல்வராஜ் மறைந்ததால், திமுக செய்தித் தொடர்பு துணைச் செயலாளராக சூர்யா கிருஷ்ணமூர்த்தி நியமிக்கப்பட்டுள்ளார். திமுக தகவல் தொழில்நுட்ப அணி துணைச் செயலாளராக நியமிக்கப்பட்ட தமிழ் பொன்னிக்கு பதிலாக திவ்யா சத்யராஜ் நியமிக்கப்படுகிறார் என தெரிவித்துள்ளார். திவ்யா சத்யராஜ் கடந்த மாதம் திமுகவில் இணைந்தது குறிப்பிடத்தக்கது.