அந்த பெருமையெல்லாம் நடிகை நயன்தாராவைதான் சேரும் என புகழாரம் சூட்டியுள்ளார் நடிகை கீர்த்தி சுரேஷ்.
தமிழ் மற்றும் தெலுங்கு சினிமாவில் முன்னணி நடிகையாக இருப்பவர் நடிகை கீர்த்தி சுரேஷ். இரு மொழிகளிலும் டாப் நடிகர்களுக்கு ஜோடியாக பல படங்களில் நடித்துள்ளார். மலையாள படங்களின் மூலம் சினிமாவுக்கு அறிமுகம் ஆனாலும் தமிழ் மற்றும் தெலுங்கு மொழியில் ஏராளமான ரசிகர்களை கொண்டுள்ளார் கீரத்தி சுரேஷ். தெலுங்கில் மறைந்த நடிகை சாவித்திரியின் வாழ்க்கை வரலாற்று படமான மகாநடி படத்தில் நடித்து சிறந்த நடிகைக்கான தேசிய விருதை பெற்றார் நடிகை கீர்த்தி சுரேஷ். எந்த மாதிரியான கதாப்பாத்திரம் என்றாலும் கலக்கி வரும் நடிகை கீர்த்தி சுரேஷ் ஹீரோயினுக்கு முக்கியத்துவம் அளிக்கும் கதைகளை தேர்வு செய்து நடித்து வருகிறார்.
இந்நிலையில் ஊடகம் ஒன்றுக்கு பேட்டி அளித்துள்ளார் நடிகை கீர்த்தி சுரேஷ். அதில் சமீப காலமாக நடிகைகள் ஹீரோயின்களுக்கு முக்கியத்துவம் அளிக்கும் கதாப்பாத்திரங்களில் நடித்து வருவது குறித்து கேள்வி எழுப்பப்பட்டது. அதற்கு பதில் அளித்த நடிகை கீர்த்தி சுரேஷ், இந்த கிரெடிட்டை நயன்தாரா மேடம்முக்குதான் கொடுக்க வேண்டும் என நினைக்கிறேன். ஏனென்றால் அவர்தான் அந்த ட்ரெண்ட்டை ஆரம்பித்தார். நான் தவறாக கூறவில்லை. ஏன் என்றால் மாயா என்ற படத்தில் இருந்து தான் அது மாறத் தொடங்கியது. நயன்தாரா அதை செய்ததால்தான் மற்ற நடிகைகளுக்கும் இதுபோன்ற படங்களில் நடிக்க வாய்ப்பு கிடைத்துள்ளது. நயன்தாராவால் தான் நிறைய பெண்கள் தங்களால் சிறந்த ஒன்றை கொடுக்க முடியும் என்று நினைத்தார்கள் ” இவ்வாறு நடிகை கீர்த்தி சுரேஷ் தெரிவித்துள்ளார்.