நடிகை திவ்ய பாரதி கதாநாயகியாக தெலுங்கில் அறிமுகமாகிறார்.
ஜி.வி.பிரகாஷ்குமார் நடிப்பில் வெளியான ‘பேச்சுலர்’ படத்தில் நாயகியாக அறிமுகமானவர் நடிகை திவ்ய பாரதி. பேச்சுலர் வெற்றிக்குப் பின் தமிழில் பெரிய நாயகியாக வருவார் என எதிர்பார்க்கப்பட்டது. ஆனால், அவருக்கு வாய்ப்புகள் அமையவில்லை. தற்போது, முகன் ராவுடன் ’மதி மேல் காதல்’ என்கிற படத்தில் நடித்து முடித்துள்ளார்.
இந்நிலையில், தெலுங்கில் ’பாகல்’ படத்தை இயக்கிய நரேஷ் லீ, நடிகர் சுதீர் ஆனந்தை வைத்து புதிய படத்தை இயக்க உள்ளார். இப்படத்தில் நாயகியாக திவ்ய பாரதி ஒப்பந்தம் செய்யப்பட்டுள்ளதாக தயாரிப்பு நிறுவனம் அறிவித்துள்ளது.