தமிழ் சினிமாவில் ‘விருமன்’ படம் மூலமாக நாயகியாக அறிமுகம் ஆனவர் பிரம்மாண்ட இயக்குனரின் மகள் அதிதி ஷங்கர். இதனையடுத்து ‘மாவீரன்’ படத்தில் சிவகார்த்திகேயன் ஜோடியாக நடித்தார். இந்நிலையில் அதிதி ஷங்கர் தனது இன்ஸ்டாகிராம் பக்கத்தில் பகிர்ந்துள்ள போட்டோஸ் சோஷியல் மீடியாவில் வைரலாகி வருகின்றன.
தமிழ் சினிமாவில் பிரம்மாண்ட இயக்குனர் என பெயர் எடுத்தவர் ஷங்கர். தொடர்ச்சியாக கோலிவுட்டில் பிரம்மாண்ட படங்களை இயக்கி வரும் இவர் தற்போது தெலுங்கில் ‘கேம் சேஞ்சர்’ படத்தை இயக்கி வருகிறார். தமிழில் கமலின் ‘இந்தியன் 2’ படத்தையும் இயக்கி வருகிறார். ஷங்கரின் மகளான அதிதியும் கோலிவுட் சினிமாவில் நடிகையாக வலம் வந்து கொண்டிருக்கிறார்.
பிரம்மாண்ட இயக்குனரின் ஷங்கரின் மகளான அதிதி ஷங்கர் ‘விருமன்’ படம் மூலமாக நாயகியாக அறிமுகம் ஆனார். சூர்யாவின் 2டி எண்டர்டெயின்மென்ட் தயாரிப்பில் முத்தையா இயக்கத்தில் கார்த்தி ஜோடியாக நடித்தார். முதல் படமே கிராமத்து கதையம்சத்தில் நடித்து ரசிகர்களை கவர்ந்தார். அதிதி ஷங்கரின் எதார்த்தமான நடிப்பும், துறுதுறு குணமும் ரசிகர்களை பெரிதும் கவர்ந்துவிட்டது. மேலும், ‘விருமன்’ படம் தொடர்பான மேடைகளில் பெரிய இடத்து பெண் எந்த பந்தம் இல்லாமல் அதிதி ஷங்கர் பேசியதும், அவரின் மொக்கை காமெடியும் ரசிகர்களுக்கு ரொம்பவே பிடித்து விட்டது. இதனையடுத்து ‘விருமன்’ படத்தை தொடர்ந்து மாவீரனில் நடித்தார். இப்படத்தில் சிவகார்த்திகேயன் ஜோடியாக நடித்து ரசிகர்கள் மத்தியில் கவனம் ஈர்த்தார்.
இதனையடுத்து அதிதி ஷங்கர் கமிட்டான புதிய படம் குறித்த எந்தவிதமான அதிகாரப்பூர்வ அறிவிப்பும் வெளியாகவில்லை. இந்நிலையில் தனது இன்ஸ்டாகிராம் பக்கத்தில் அதிதி பகிர்ந்து போட்டோஸ் சோஷியல் மீடியாவில் வைரலாகி வருகின்றன. அதில், டாக்டர் கெட்டப்பில் இருக்கும் புகைப்படங்களை பகிர்ந்து டாக்டர் அதிதி என்பதை குறிப்பிடும் விதமாக Dr.A என பதிவிட்டுள்ளார்.
அவரின் இந்த பதிவு தற்போது சோஷியல் மீடியாவில் வைரலாகி வருகிறது. அதிதி ஷங்கர் டாக்டருக்கு படித்துள்ளார். சினிமாவில் இருந்த ஆசையால் நடிக்க வந்தார். இந்நிலையில் தற்போது டாக்டர் கெட்டப்பில் அதிதி ஷங்கர் வெளியிட்டுள்ள போட்டோவை பார்த்த ரசிகர்கள், நடிப்புக்கு முழுக்கு போட்டு அதிதி ஷங்கர் டாக்டர் பணிக்கு சென்று விட்டாரா? என கமெண்ட் அடித்து வருகின்றனர்.
இதனிடையில் அதிதி ஷங்கர் தன்னுடைய புதிய படம் எதிலும் டாக்டர் கேரக்டரில் நடிக்கிறாரா எனவும் ரசிகர்கள் கேள்வி எழுப்பி வருகின்றனர். அதிதி ஷங்கர் தற்போது விஷ்ணுவர்தன் இயக்கத்தில் புதிய படம் ஒன்றில் நடித்து வருகிறார். இதனையடுத்து ‘ராட்சசன்’ பட இயக்குனர் ராம்குமார் இயக்கத்திலும் அதிதி ஷங்கர் ஒரு படத்தில் நடிக்க இருப்பதாக கூறப்படுகிறது.