இயக்குனர் ஆண்டனி பாக்யராஜ் இயக்கத்தில் ஜெயம் ரவி, கீர்த்தி சுரேஷ், அனுபமா பரமேஸ்வரன் நடித்திருக்கும் திரைப்படம் சைரன். ஆக்ஷன் திரில்லர் படமாக உருவாகியிருக்கும் சைரன் திரையரங்குகளில் ரிலீஸ் ஆகவில்லை என்கிற அறிவிப்பு தற்போது ரசிகர்கள் மத்தியில் வருத்தத்தை ஏற்படுத்தி இருக்கிறது.
இயக்குனர் மணிரத்னம் இயக்கத்தில் வெளியான பொன்னியின் செல்வன் திரைப்படத்திற்கு பிறகு நயன்தாராவுக்கு ஜோடியாக இறைவன் படத்தில் நடித்திருந்தார் நடிகர் ஜெயம் ரவி. அதன்பிறகு கீர்த்தி சுரேஷ், அனுபமா பரமேஸ்வரன், சமுத்திரக்கனி என எண்ணற்ற நடிகர்கள் நடித்திருக்கும் திரைப்படத்தில் ஹீரோவாக நடித்திருக்கிறார் ஜெயம் ரவி. இந்த படத்தின் பெயர் சைரன். இந்த படத்தில் இரட்டை கதாபாத்திரத்தில் நடித்திருக்கும் ஜெயம் ரவிக்கு ரசிகர்கள் மத்தியில் பெரும் எதிர்பார்ப்பு நிலவு வருகிறது. இந்த படத்தில் நடிகை கீர்த்தி சுரேஷ் போலீஸ் அதிகாரியாக மிரட்டலாக நடித்திருக்கிறார்.
ஆக்ஷன் திரில்லர் படமாக உருவாகி இருக்கும் இந்த படத்தை சுஜாதா விஜயகுமார் தயாரித்திருக்கிறார். ஜெயம் ரவியின் முந்தைய திரைப்படமான இறைவன் ரசிகர்கள் மத்தியில் பெரிதான வரவேற்பை பெறவில்லை. அதனால், இந்த படத்திற்கு ரசிகர்கள் மத்தியில் நிறைய எதிர்பார்ப்பு இருந்து வருகிறது. அந்த வகையில் கடந்த சில வாரங்களுக்கு முன்பு வெளியான இந்த படத்தின் டீசரும் இந்த படத்திற்கான எதிர்பார்ப்பை அதிகமாக்கியது.
சைரன் திரைப்படத்திற்கு ஜிவி பிரகாஷ் இசையமைத்திருக்கிறார். மிகப்பெரிய பொருட்செலவில் உருவாகியிருக்கும் சைரன் திரைப்படம் திரையரங்குகளில் பார்க்க ரசிகர்கள் ஆர்வமாக இருக்கும் இந்த வேலையில் இந்த திரைப்படம் திரையரங்குகளில் ரிலீஸ் ஆகாது என்கிற அறிவிப்பு வெளியாகியுள்ளது. இந்த தகவல் ரசிகர்கள் மத்தியில் வருத்தத்தை ஏற்படுத்தி இருக்கிறது.
சைரன் திரைப்படம் வரும் ஜனவரி 26 ஆம் தேதி குடியரசு தினத்தை ஒட்டி ஜீ 5 OTT தளத்தில் நேரடியாக வெளியாகவுள்ளதாக தகவல் பரவி வருகிறது. தியேட்டரில் இல்லாமல் நேரடியாக OTT ரிலீஸ் ஆவதற்கான காரணம் குறித்த தகவல் எதுவும் வெளியாகவில்லை. ஜெயம் ரவி நடிப்பில் எத்தனையோ படங்கள் வெளியாகியிருக்கிறது ஆனால் இதுவே நேரடியாக OTTயில் ரிலீஸ் ஆகும் அவரது முதல் படமாகும்.