இயக்குனர் கௌதம் வாசுதேவ் மேனன் இயக்கத்தில் விக்ரம் நடித்திருக்கும் திரைப்படம் துருவ நட்சத்திரம். பல வருடங்களாக கிடப்பில் இருக்கும் துருவ நட்சத்திரம் படத்தின் ரிலீஸ் அவ்வப்போது அறிவிக்கப்பட்டாலும் ரிலீஸ் ஆகாமல் இருக்கிறது. அந்த வகையில் தற்போது துருவ நட்சத்திரம் படத்தின் மீது இருந்த சிக்கல் தீர்க்கபட்டதாகவும் கூடிய விரைவில் படத்தின் ரிலீஸ் இருக்கும் எனவும் தகவல் வெளியாகியுள்ளது.
மின்னலே படத்தின் மூலமாக தமிழ் சினிமாவில் இயக்குனராக அறிமுகமானவர் கௌதம் வாசுதேவ் மேனன். தொடர்ந்து காக்க காக்க, வேட்டையாடு விளையாடு, விண்ணைத்தாண்டி வருவாயா, வாரணம் ஆயிரம் என பல படங்களை இயக்கி ரசிகர்கள் மத்தியில் தனி இடத்தை பிடித்தவர் கௌதம் மேனன். இயக்குனர் கௌதம் வாசுதேவ் மேனன் துருவ நட்சத்திரம் என்ற ஸ்பை திரில்லர் ஜானர் படத்தின் கதையை முன்னதாக சூர்யாவிடம் கூறியிருக்கிறார். கதையை சூர்யா நிராகரித்ததனால் இந்த கதை விக்ரமை சென்றடைந்தது. அந்த வகையில் இந்த கதை படமாக்கப்பட்டது. சில பொருளாதார சிக்கல காரணமாக இந்த படத்தின் ரிலீஸ் தற்போது வரை நடைபெறாமல் இருக்கிறது.
துருவ நட்சத்திரம் படத்தில் நடிகர்கள் விக்ரம், பார்த்திபன், விநாயகம், நடிகைகள் சிம்ரன், ரித்து வர்மா ஆகியோர் நடித்திருக்கிறார்கள். இந்த படத்தின் படப்பிடிப்பு எப்போதோ தொடங்கி முடிக்கப்பட்டது. ஆனால் பொருளாதார சிக்கல் காரணமாக ரிலீஸ் நடக்காமல் இருந்தது. எனினும் இயக்குனரும் இந்த படத்தின் நடிகர்களும் அடுத்தடுத்த படங்களில் இணைந்து நடித்திருந்தார்கள். இந்த படத்தின் பொருளாதார சிக்கலை தீர்ப்பதற்காக இயக்குனர் கௌதம் மேனன் தொடர்ந்து பல புது படங்களில் இணைந்து நடித்தார். அந்த வகையில் சமீபத்தில் லோகேஷ் கனகராஜ் இயக்கத்தில் வெளியான லியோ படத்திலும் முக்கிய கதாபாத்திரத்தில் அவர் நடித்திருப்பார்.
ஒருவழியாக துருவ நட்சத்திரம் படத்தில் சிக்கல்களை தீர்த்து வைத்து நவம்பர் மாதம் 24 ஆம் தேதி ரிலீஸ் ஆகும் என அறிவிக்கப்பட்டது. பல வருடங்களாக கிடப்பில் இருந்த படத்தின் ரிலீஸ் தேதி வெளியானதும் ரசிகர்கள் மத்தியில் படத்திற்கான எதிர்பார்ப்பு மற்றும் வரவேற்பு அதிகமானது. தீபாவளிக்கு ரிலீசாகும் என கூறப்பட்ட இந்த படம் தீபாவளிக்கு ரிலீஸ் ஆகாதது ரசிகர்கள் மத்தியில் மிகுந்த ஏமாற்றத்தை கொடுத்தது.
தீபாவளியை கடந்து பொங்கலும் முடிந்தது பொங்கலுக்கும் இந்த படம் ரிலீஸ் ஆகவில்லை. அந்த வகையில் இந்த படம் வரும் பிப்ரவரி மாதத்தில் வெளியாக இருப்பதாக சில தகவல்கள் வெளியாகியுள்ளது.
துருவ நட்சத்திரம் படத்தில் வழக்கு உயர் நீதிமன்றத்தில் விசாரணைக்கு வந்திருக்கிறது. அப்போது துருவ நட்சத்திரம் படத்திற்காக ஆஜரான வழக்கறிஞர் படத்தை பிப்ரவரி மாதத்தில் வெளியிட போவதாகவும் அதனால் வழக்கை மூன்று வாரங்களுக்கு தள்ளி வைக்கவேண்டும் எனவும் கோரிக்கை விடுத்திருக்கிறார். அந்த கோரிக்கையை ஏற்று துருவ நட்சத்திரம் படம் குறித்த விசாரணையை மூன்று வாரங்களுக்கு தள்ளி வைத்திருக்கிறார்கள். அந்த வகையில் துருவ நட்சத்திரம் பிப்ரவரி மாதத்தில் வெளியாகும் என்பதுதான் தற்போது வெளியாகியிருக்கும் தகவலாகும்.