தன் வாழ்க்கைத் துணையிடம் எதிர்பார்க்கும் குணங்கள் பற்றி தெரிவித்துள்ளார் ஜான்வி கபூர். ஷிகர் பஹாரியாவை காதலித்து வரும் நிலையில் அவர் இப்படி பேசியிருக்கிறார்.
ராஜ்குமார் ராவுடன் சேர்ந்து தான் நடித்திருக்கும் மிஸ்டர் அன்ட் மிஸஸ் மாஹி படத்தை விளம்பரம் செய்து வருகிறார் ஜான்வி கபூர். அந்த படத்தில் வரும் தேகா தேனு பாடல் வெளியிட்டு விழா மே 15ம் தேதி மும்பையில் நடந்தது. அப்பொழுது உங்கள் பார்ட்னரிடம் நீங்கள் எதிர்பார்க்கும் குணங்கள் எவை என ஜான்வி கபூரிடம் கேட்கப்பட்டது. அதற்கு அவர் கூறியதாவது:-
என் கனவுகளை தன் கனவுகளாக பார்த்து, என்னை ஊக்குவிக்கும் நபர் வேண்டும். எந்த சூழலிலும் என்னுடன் இருக்கும் நபர் வேண்டும் என்றார்.
அதை கேட்டு அரங்கில் இருந்த ஒருவரோ வாழ்த்துக்கள் ஜான்வி என்றார். அதை கேட்ட ஜான்வியோ, ஏன் நான் சொன்ன குணம் உள்ளவரை கண்டுபிடிப்பது கடினமா என கேட்டார். அதற்கு ரசிகர்களோ, நீங்கள் தான் ஏற்கனவே கண்டுபிடித்துவிட்டீர்களே என சொல்ல ஜான்வி கபூர் வெட்கப்பட்டு சிரித்தார்.
ஜான்வி கபூரும், தொழில் அதிபர் ஷிகர் பஹாரியாவும் காதலித்து வருகிறார்கள். ஜான்வி எங்கு சென்றாலும் துணைக்கு செல்கிறார் ஷிகர். ஜான்வியின் கெரியருக்கு பக்கபலமாக இருக்கிறார். திருப்பதி கோவிலுக்கு சென்று சாமி தரிசனம் செய்வது ஜான்விக்கு மிகவும் பிடிக்கும். அவர் எப்பொழுது திருப்பதி கோவிலுக்கு சென்றாலும் உடன் செல்கிறார் ஷிகர் பஹாரியா. இந்நிலையில் ஷிகரின் பெயர் அடங்கிய டாலர் கொண்ட செயினை அடிக்கடி அணிந்து வெளியே வருகிறார் ஜான்வி கபூர். இதன் மூலம் தான் ஷிகர் பஹாரியாவை காதலிப்பதை உறுதி செய்துவிட்டார்.
ஜான்வி கபூரின் தேர்வு அவரின் அப்பா போனி கபூருக்கு பிடித்துவிட்டது. ஷிகர் ரொம்ப நல்ல பையன் என சர்டிபிகேட் கொடுத்துவிட்டார் போனி கபூர். ஷிகர் பஹாரியாவும், ஜான்வியும் ஒரு காலத்தில் காதலித்து பிரிந்துவிட்டார்கள். அதன் பிறகு காதலை புதுப்பித்துக் கொண்டார்கள்.
இது குறித்து போனி கபூரிடம் கேட்டதற்து, ஷிகர் மாதிரி ஒரு பையன் எல்லாம் எக்ஸாக இருக்க முடியாது என்பது எனக்கு தெரியும். தங்கமான பையன் என்றார்.
காதல் செட்டாகிவிட்டது, கெரியர் செட்டாகிவிட்டது, அப்பாவும் பச்சைக்கொடி காட்டிவிட்டார். அப்புறம் என்ன ஷிகரை திருமணம் செய்து கொள்ள வேண்டியது தானே ஜான்வி என ரசிகர்கள் தெரிவித்துள்ளனர்.