நடிகை ரம்பா குழந்தைகளுடன் சென்ற கார் விபத்துக்குள்ளானதாக, நடிகை ரம்பா தனது டுவிட்டர் பக்கத்தில் தெரிவித்துள்ளார்.
தமிழ், தெலுங்கு, மலையாளம் என பல்வேறு மொழிகளில் நடித்துள்ள நடிகை ரம்பா, திருமணத்திற்குப் பிறகு படங்களில் நடிப்பதை நிறுத்திக் கொண்டார். நடிகை ரம்பா தற்போது கனடாவில் கனவர் மற்றும் குழந்தைகளுடன் வசித்து வருகிறார். கனடாவில், நடிகை ரம்பா குழந்தைகளுடன் பள்ளியில் இருந்து வீடு திரும்பும்போது அவரது கார் மற்றோரு கார் மீது மோதி விபத்துக்குள்ளானது.
விபத்தில் சிக்கிய காரின் புகைப்படங்களைப் பகிர்ந்து ரம்பா டுவிட்டரில், “குழந்தைகளை பள்ளியிலிருந்து அழைத்து வரும் வழியில் ஒரு சந்திப்பில் எங்கள் கார் மீது மற்றொரு கார் மோதியது. நான், எனது குழந்தைகள், செவிலித் தாய் ஆகியோருக்கு லேசான காயம். ஆனாலும், பாதுகாப்பாக இருக்கிறோம். எனது குட்டி சாஷா இன்னும் மருத்துவமனையில்தான் இருக்கிறாள். மோசமான நாட்கள், மோசமான நேரம், எங்களுக்காக பிரார்த்தனை செய்யுங்கள், உங்கள் பிரார்த்தனைகளுக்கு நிறைய அர்த்தம் உள்ளது,” என்று குறிப்பிட்டுள்ளார்.