நடிகை சன்னி லியோன் நாளை சென்னை வருவதாக தகவல்கள் வெளியாகி உள்ளது.
கனடாவில் பிறந்த இந்திய வம்சாவளிக் குடும்பத்தைச் சேர்ந்த சன்னி லியோன். 2012 முதல் இந்தி படங்களில் நடித்து வருகிறார். தமிழில் ஜெய் நடித்த ‘வடகறி’ படத்தில் ஒரு பாடலுக்கு நடனமாடியிருந்தார். சன்னி லியோன் கதாநாயகியாக நடித்த ‘ஓ மை கோஸ்ட்’ எனும் தமிழ் படத்தின் டீசர் சமீபத்தில் வெளியானது. சன்னி லியோன், சதீஷ், யோகி பாபு, தர்ஷா குப்தா, ரமேஷ் திலக் உள்ளிட்டோர் நடித்துள்ளனர். விஏயு தயாரித்துள்ள இந்தப் படத்தினை ஆர். யுவன் இயக்கியுள்ளார். வரும் நவம்பர் மாதம் திரையரங்குகளில் வெளியாக இருக்கிறது.
இந்நிலையில் சென்னை நுங்கம்பாக்கம் டிரேட் சென்டரில் நாளை மாலை 5.30 மணிக்கு நடக்கவிருக்கும் படத்தின் இசை வெளியீட்டு விழாவுக்கு சன்னி லியோன் வருவதாக தகவல்கள் வெளியாகியுள்ளது.