தனுஷின் ‘கேப்டன் மில்லர்’ படம் குறித்து இசையமைப்பாளர் ஜிவி பிரகாஷ் குமார், ‘ஆயிரத்தில் ஒருவன் படத்திற்கு பிறகு மூன்று, நான்கு தரமான பின்னணி இசையை ‘கேப்டன் மில்லர்’ படத்துக்காக கம்போஸ் செய்துள்ளேன் என்று கூறியுள்ளார்.
நடிகர் தனுஷ் தற்போது தனது அண்ணன் செல்வராகவனை வைத்து ‘சாணிக்காயிதம்’ படத்தை இயக்கிய அருண் மாதேஸ்வரன் இயக்கத்தில் ‘கேப்டன் மில்லர்’ படத்தில் நடித்து வருகிறார். இதன் படப்பிடிப்பு தற்போது விறுவிறுப்பாக நடந்து வருகிறது. இந்நிலையில் ;கேப்டன் மில்லர்’ படம் குறித்து இசையமைப்பாளர் ஜிவி பிரகாஷ் குமார் அளித்து அப்டேட் இணையத்தில் தீயாய் பரவி வருகிறது.
தற்போது ‘கேப்டன் மில்லர்’ படத்தில் நடித்து வருகிறார் தனுஷ். இதன் படப்பிடிப்பு தற்போது விறுவிறுப்பாக நடந்து வருகிறது. ராக்கி, சாணிக்காயிதம் உள்ளிட்ட ராவான படங்களை இயக்கி ரசிகர்கள் மத்தியில் கவனம் ஈர்த்த அருண் மாதேஸ்வரன் இந்தப்படத்தை இயக்கி வருகிறார். ரத்தம் தெறிக்க தெறிக்க ஆக்ஷன் படங்களை இயக்கிய இவருடன் தனுஷ் கூட்டணி அமைத்துள்ளது ரசிகர்கள் மத்தியில் உச்சக்கட்ட எதிர்பார்ப்பை கிளப்பியுள்ளது. மேலும், 1930 – 40 களில் நடந்த சம்பவங்களை வைத்து பீரியட் பிலிமாக ‘கேப்டன் மில்லர்’ படம் உருவாகி வருவதாக கூறப்படுகிறது.
இந்நிலையில் இந்தப்படம் குறித்து இசையமைப்பாளர் ஜிவி பிரகாஷ் குமார் தனது டுவிட்டர் பக்கத்தில் கொடுத்துள்ள அப்டேட் இணையத்தில் தீயாய் பரவி வருகிறது. இது தொடர்பாக தனது டுவிட்டர் பதிவில், ‘ஆயிரத்தில் ஒருவன் படத்திற்கு பிறகு மூன்று, நான்கு தரமான பின்னணி இசையை ‘கேப்டன் மில்லர்’ படத்துக்காக கம்போஸ் செய்துள்ளேன். இதற்கான படப்பிடிப்பு நடந்தது. சிறப்பான பிஜிஎம் வந்து கொண்டிருக்கிறது என பதிவிட்டுள்ளார். இதனால் ரசிகர்கள் மத்தியில் எதிர்பார்ப்பு எகிறியுள்ளது.