ஆண்டுதோறும் அயோத்தி வரப் போவதாக ராமர் கோயில் திறப்பு விழாவில் பங்கேற்ற பின் நடிகர் ரஜினிகாந்த் தெரிவித்துள்ளார்
அயோத்தி ராமர் கோயில் திறப்பு விழாவை முன்னிட்டு நாடு முழுவதிலும் இருந்து பல்வேறு பிரபலங்கள் இன்று அயோத்தி வந்திருந்தனர். பிராண பிரதிஷ்டைக்குப் பிறகு பகவான் ராமரை தரிசித்த அவர்கள், பின்னர் செய்தியாளர்களிடம் பேசினர். தனது மனைவி லதாவோடு அயோத்தி வந்திருந்த ரஜினிகாந்த், கோயிலில் இருந்து திரும்பும்போது செய்தியாளர்களிடம் பேசினார். அப்போது, “இது ஒரு வரலாற்றுச் சிறப்பு மிக்க நிகழ்ச்சி. நான் மிகவும் அதிர்ஷடம் செய்திருக்கிறேன். ஆண்டுதோறும் அயோத்திக்கு நிச்சயம் வருவேன்” என தெரிவித்தார்.