சூர்யா நடிப்பில் சிறுத்தை சிவா இயக்கத்தில் பெரும் எதிர்பார்ப்புக்கு மத்தியில் ‘கங்குவா’ படம் உருவாகியுள்ளது. இந்நிலையில் ‘கங்குவா’ படத்தின் மிரட்டலான அப்டேட் வெளியாகியுள்ளது.
சூர்யா நடிப்பில் பெரும் எதிர்பார்ப்பை கிளப்பியுள்ள படமாக ‘கங்குவா’ உருவாகி வருகிறது. சிறுத்தை சிவா இயக்கும் இப்படம் கோலிவுட் திரையுலகிற்கே மிகப்பெரிய மைல்கல்லாக அமையும் என எதிர்பார்க்கப்படுகிறது. ‘கங்குவா’ படத்தின் முதன்முறையாக சிறுத்தை சிவா, சூர்யா இருவரும் இணைந்துள்ளனர். தமிழ் சினிமாவில் தொடர்ச்சியாக பேமிலி டிராமா படங்களை இயக்கி வருபவர் சிறுத்தை சிவா. இவரின் படங்கள் அனைத்துமே குடும்ப சென்டிமெண்டில் பக்காவான கமர்ஷியல் படங்களாக வெளியாகும். இந்நிலையில் தற்போது தனது ஸ்டைலில் இருந்து முற்றிலுமாக விலகி ‘கங்குவா’ படத்தினை இயக்கி வருகிறார் சிறுத்தை சிவா.
ஸ்டுடியோ கிரீன் சார்பாக ஞானவேல் ராஜா பெரும் பொருட் செலவில் பிரம்மாண்டமாக இப்படத்தினை தயாரித்துள்ளார். சூர்யாவின் திரை வாழ்விலே அதிக பட்ஜட்டில் ‘கங்குவா’ படம் உருவாகியுள்ளது. இப்படத்திற்காக தனது உடல் எடையை எல்லாம் அதிகரித்து மிரட்டலான லுக்கில் நடித்துள்ளார். இதனிடையில் அண்மையில் இப்படத்தில் தனது காட்சிக்கான படப்பிடிப்பை முழுமையாக நிறைவு செய்தார் சூர்யா.
இந்நிலையில் ‘கங்குவா’ படத்தின் மிரட்டலான போஸ்டர் வெளியாகியுள்ளது. பாபி தியோலின் பிறந்தநாளை முன்னிட்டு, அவரின் கேரக்டர் சம்பந்தமான போஸ்டரை படக்குழு வெளியிட்டுள்ளது. தலையில் மான் கொம்பு, நெஞ்சில் ரத்தம் என ஒரு கூட்டத்துக்கு இடையில் பாபி தியோல் மிரட்டலாக நிற்கும் போஸ்டர் தற்போது சமூக வலைத்தளத்தில் பலரின் கவனத்தை ஈர்த்து வருகிறது.
அண்மையில் ‘அனிமல்’ படத்தில் வில்லனாக மிரட்டிய பாபி தியோல் தற்போது ‘கங்குவா’ படத்தில் உதிரன் என்ற வில்லன் கதாபாத்திரத்தில் நடித்துள்ளார். இதனால் இப்படத்திலும் அவரின் கேரக்டர் மிரட்டலாக இருக்கும் என ரசிகர்கள் எதிர்பார்க்கின்றனர்.