விக்னேஷ் சிவன் இயக்கத்தில் விஜய் சேதுபதி, நயன்தாரா, ராதிகா சரத்குமார் உள்ளிட்டோர் நடித்த நானும் ரௌடி தான் படம் பாலிவுட் நடிகையான ஜான்வி கபூருக்கு மிகவும் பிடிக்குமாம். அந்த படத்தை 100 முறை பார்த்து ரசித்திருக்கிறாராம்.
நானும் ரௌடி தான் படம் பார்த்து மக்கள் செல்வன் விஜய் சேதுபதியின் தீவிர ரசிகையாகிவிட்டார். இதையடுத்து விஜய் சேதுபதியின் செல்போன் நம்பரை வாங்கி அவருக்கு போன் செய்து பேசியிருக்கிறார்.
இது குறித்து ஜான்வி கபூர் பேட்டி ஒன்றில் கூறியதாவது:-
நானும் ரௌடி தான் படத்தை 100 முறை பார்த்த பிறகு விஜய் சாருக்கு போன் செய்தேன். சார், நான் உங்களின் தீவிர ரசிகை. உங்கள் படத்தில் நடிக்க ஏதாவது வாய்ப்பு இருந்தால் சொல்லுங்கள். நான் ஆடிஷனுக்கு வருகிறேன். நான் உங்களுடன் சேர்ந்து நடிக்க விரும்புகிறேன் என்றேன்.
நான் பாட்டுக்கு பேசிக் கொண்டே இருந்தேன். அவரோ அய்யோ, ஓ என்று மட்டும் தான் சொன்னார். அதனால் நான் சொன்னதை கேட்டு அவர் வருத்தப்பட்டாரா இல்லை வெட்கப்பட்டு பேசவில்லையா என தெரியவில்லை. நான் போன் செய்ததில் அவருக்கு ஆச்சரியமாக இருந்திருக்கிறது போன்று என்றார்.
விஜய் சேதுபதியின் சூப்பர் டீலக்ஸ் படத்தில் தனக்கு ஏதாவது கதாபாத்திரம் கிடைக்குமா என விஜய் சேதுபதியிடம் கேட்டிருக்கிறார் ஜான்வி கபூர். அந்த புள்ள அம்புட்டு பேசியிருக்காங்க. அதை எல்லாம் கேட்டுவிட்டு வெறும் அய்யோ, ஓ மட்டும் தான் சொல்லியிருக்கீங்க. வாட்ஸ் இஸ் திஸ் மக்கள் செல்வன். நம்ம ஸ்ரீதேவி மகள் தானே. நல்லா பேசியிருக்க வேண்டாமா என ரசிகர்கள் தெரிவித்துள்ளனர்.
பாலிவுட் படங்களில் மட்டுமே நடித்து வந்த ஜான்வி கபூர் தற்போது தெலுங்கு படங்களில் நடிக்கத் துவங்கிவிட்டார். டோலிவுட் வரை வந்துவிட்டீர்கள் அப்படியே உங்கம்மாவை வளர்த்துவிட்ட கோலிவுட் பக்கமும் வந்துவிட்டு போங்கமா என கோலிவுட் ரசிகர்கள் ஜான்விக்கு அன்பு கோரிக்கை விடுத்திருக்கிறார்கள். அப்படியே உங்கள் தங்கை குஷியையும் தமிழ் படத்தில் நடிக்கச் சொல்லுங்கள் என மேலும் தெரிவித்துள்ளனர்.