கண்டிப்பா நான் வில்லன் கதாப்பாத்திரத்துல நடிக்கப்போறதில்லை என்று விஷால் கூறியுள்ளார்.
ராஜ்குமார் பெரியசாமி இயக்கத்தில் சிவகார்த்திகேயன் நடித்த அமரன் படம் கடந்த 31-ந் தேதி திரைக்கு வந்து மிகப்பெரிய வெற்றியை பெற்றுள்ளது. பாக்ஸ் ஆபிஸ் வசூலில் ரூ.300 கோடியை தாண்டியது. சிவகார்த்திகேயன் அடுத்ததாக சுதா கொங்கரா இயக்கத்தில் எஸ்.கே.25 என்று தற்காலிகமாக பெயரிடப்பட்டுள்ள படத்தில் நடிக்க இருக்கிறார். படத்தின் கதாநாயகியாக ஸ்ரீ லீலா நடிக்க உள்ளார். அவருக்கு வில்லன் கதாபாத்திரத்தில் விஷால், ஜெயம் ரவி ஆகியோர் நடிக்க இருப்பதாக தகவல்கள் வெளியாகியது.
இந்நிலையில் விஷால் அதை மறுத்துள்ளார். “வில்லனா? கண்டிப்பா நான் வில்லன் கதாப்பாத்திரத்துல நடிக்கப்போறதில்லை. நான் என் அடுத்து கமிட் ஆகியுள்ள திரைப்படங்களில் நடிக்கவுள்ளேன். நான் வில்லனாக நடிக்க வேண்டும் என்ற விமர்சனம் எங்கு இருந்து வந்திருக்கக்கூடும் என எனக்கு தெரியும். நான் இந்த நிலமைக்கு வர 20 வருட கடின உழைப்பை போட்டுள்ளேன். வில்லனாக நடிக்க இப்போது நான் தயாராக இல்லை” என கூறியுள்ளார்.
இதனால் சுதா கொங்கரா இயக்கத்தில் உருவாகவுள்ள திரைப்படத்தில் ஜெயம் ரவி வில்லன் கதாப்பாத்திரத்தில் நடிப்பார் என எதிர்ப்பார்க்கப்படுகிறது.