நிலவுக்கு என்மேல் என்னடி கோபம் வருகிற பிப்.7ஆம் தேதி திரைக்கு வருமென அதிகாரபூர்வமாக அறிவிக்கப்பட்டுள்ளது.
நடிகர் தனுஷ் இயக்கத்தில் இன்றைய இளைஞர்களின் காதலைப் பேசும் படமாக நிலவுக்கு என்மேல் என்னடி கோபம் உருவாகி வருகிறது. தனுஷின் சகோதரி மகன் நாயகனாக அறிமுகமாகிறார். மேலும், அனிகா சுரேந்திரன், மாத்யூ தாமஸ் உள்ளிட்டோர் முக்கிய கதாபாத்திரங்களில் நடிக்கின்றனர்.
படத்தின் முதல் பாடலான கோல்டன் ஸ்பாரா பாடல் வெளியானதிலிருந்து பெரிய வரவேற்பைப் பெற்று வருகிறது. இதுவரை யூடியூபில் 10 கோடி பார்வைகளைக் கடந்துள்ளது.
இந்த நிலையில், நிலவுக்கு என்மேல் என்னடி கோபம் வருகிற பிப்.7ஆம் தேதி திரைக்கு வருமென அதிகாரபூர்வமாக அறிவிக்கப்பட்டுள்ளது. இந்தப் படத்தை ரெட் ஜெயண்ட்ஸ் மூவிஸ் வெளியிடுகிறது.