பவானிசாகர் அணையில் இருந்து 3 மாவட்டங்களின் நன்செய் பாசனத்திற்காக 120 நாட்களுக்கு திறக்கப்பட்ட நீர் நிறுத்தப்பட்டுள்ள நிலையில், இது குறித்து அமைச்சர் முத்துசாமி விளக்கம் அளித்துள்ளார்.
ஈரோடு மாவட்டம் பவானிசாகர் அணையில் இருந்து கடந்த ஆகஸ்ட் 15ஆம் தேதி முதல் கீழ்பவானி வாய்க்காலில் முதல் போகப் பாசனத்திற்காக தண்ணீர் திறக்க தமிழக அரசு அரசாணை வெளியிட்டிருந்தது இதன் மூலம் ஈரோடு கரூர் மற்றும் திருப்பூர் மாவட்டங்களில் உள்ள விவசாய நிலங்கள் பாசன வசதி பெற முடியும்.
முன்னதாக தண்ணீர் திறப்பிற்காக வாய்க்கால் சீரமைப்பு பணிகள் சமீபத்தில் நிறைவு பெற்ற நிலையில் அணையில் இருந்து நீர் திறப்பு படிப்படியாக அதிகரிக்கப்பட்டது. தொடக்கத்தில் 250 கன அடியாக இருந்த நீர் திறப்பு தற்போது ஆயிரம் கன அடியாக அதிகரிக்கப்பட்டது. மேலும் கீழ்பவானி வாய்க்காலில் திறக்கப்பட்டுள்ள தண்ணீர் நேற்று மாலை 57 வது மயிலை கடந்து நிலையில் 47-வது மைல் பகுதியில் உள்ள நல்லாம்பட்டியில் மழை நீர் வடிகால் பாலத்தில் விரிசல் ஏற்பட்டது. இதனை அடுத்து இந்த விரிசல் படிப்படியாக பெரிதான நிலையில் வாய்க்காலில் இருந்து தண்ணீர் அதிக அளவில் வெளியேறியது.
மேலும் தொடர்ந்து விரிசல் அதிகரித்ததால் மழை நீர் கால்வாய் உடையும் அபாயம் இருப்பதாக அப்பகுதி விவசாயிகள் நீர்வளத்துறை அதிகாரிகளுக்கு தகவல் கொடுத்துள்ளனர். இதனையடுத்து பவானிசாகர் அணையில் இருந்து இந்த ஆண்டின் நன்செய் பாசனத்திற்காக திறக்கப்பட்ட தண்ணீர் முன்னெச்சரிக்கை நடவடிக்கையாக பாதுகாப்பு கருதி நிறுத்தப்பட்டது.
தொடர்ந்து மழைநீர் வடிவேல் வாய்க்காலில் ஏற்பட்ட விரிசலை சரி செய்யும் பணியில் பொதுப்பணித்துறையினர் இரவே துவங்கிய நிலையில், இது குறித்து அதிகாரிகள் கூறுகையில், நல்லாம்பட்டி வாய்க்காலுக்கு அடியில் மழை நேரத்தில் வாய்க்கால் கசிவுநீரும் வடிந்து செல்லும் வகையில் சுரங்கப்பாதை உள்ளது. இந்த சுரங்கப்பாதை வழியாக மழை பெய்யும் போது வாய்க்காலில் தண்ணீர் திறந்து விடும் போதும் தண்ணீர் வெளியேறுவது வழக்கம்தான். இதை வாய்க்காலில் உடைப்பு ஏற்பட்டதாக சிலர் வதந்த கிளம்பி விட்டிருக்கின்றனர். தற்போது சுரங்க பாதைக்குள் நீர்க்கசிவு ஏற்பட்டுள்ள நிலையில் அதனை கண்டுபிடித்து அதை சரி செய்யும் பணியில் ஈடுபட்டு வருகின்றோம்” இவ்வாறு தெரிவித்தனர்.
இந்த நிலையில் நேற்று சுரங்கபாதை கசிவை ஏற்பட்ட பகுதியில் வீட்டு வசதி துறை அமைச்சர் முத்துசாமி மாவட்ட ஆட்சியர் ராஜகோபால் சுன்கரா ஆகியோர் நேரில் சென்று பார்வையிட்டு ஆய்வு செய்தனர். பின்னர் அமைச்சர் முத்துசாமி செய்தியாளர்களிடம் கூறியதாவது:-
கீழ்பவானி கால்வாயில் மேற்கொள்ளப்பட்ட பராமரிப்பு பணிகள் சிறப்பாக முடிந்துள்ளது..இந்த மழைநீர் வடிகால் மிகவும் பழமையான நிலையில் இந்த ஆண்டு மழை நீர் வடிகாலை சீரமைக்கும் பணிக்கு போதிய அவகாசம் கிடைக்கவில்லை. அடுத்த ஆண்டு இந்த வடிகாலை சீரமைக்க திட்டமிடப்பட்டுள்ளது. இதில் எப்போது தண்ணீர் செல்லும் என்று இப்பகுதி விவசாயிகள் கூறுகின்றனர். ஆனால் இந்த ஆண்டு சற்று கூடுதலாக செல்வதாக சந்தேகம் எழுந்ததால நீர் திறப்பு இடையில் நிறுத்தி சீரமைக்கும் பணி முடிக்க அதிகாரிகள் ஆய்வு மேற்கொண்டுள்ளோம். தற்காலிகமாக தண்ணீர் வெளியேறுவதை தடுக்க ஆலோசனை நடத்தப்பட்டுள்ளது.
இப்பணிகளில் இரண்டு நாட்களை முடிக்க உத்தரவிடப்பட்டுள்ளது..நிரந்தர தீர்விற்கு குறைந்த பட்சம் 15 நாட்கள் ஆகும் என்பதால் தற்காலிக பணிகள் மூலம் இந்த முதல் போக பாசனத்திற்கு தண்ணீர் திறந்து விட நடவடிக்கை எடுக்கப்பட்டுள்ளது.
இதேபோன்று மற்ற இரண்டு இடங்களில் உள்ள மழை நீர் வடிகால் கால்வாயில் எந்தவித பாதிப்பும் இல்லை. இனி தண்ணீர் செல்லும் போது மழைநீர் வடிகாலில் கசிவு ஏற்பட்டால் தற்காலிகமாக சரி செய்யும் நடவடிக்கையும் எடுக்கப்படும்.. கீழ்பவானி கால்வாயில் பாதிப்பு ஏற்பட்டுள்ளதால் அத்திக்கடவு அவிநாசி திட்டத்திற்கு எந்த பாதிப்பும் இல்லை. இவ்வாறு அவர் கூறினார்.