“வாரிசு அரசியலையும், ஊழல் அரசியலையும் தாங்க வேண்டும் என்றால் இதயத்தை பலமாக வைத்திருக்க வேண்டும்” என வானதி சீனிவாசன் கூறினார்.
உலக இதய தினத்தை முன்னிட்டு கோவை பந்தய சாலை பகுதியில் தனியார் மருத்துவமனை சார்பில் இதய விழிப்புணர்வு நடைப்பயண நிகழ்ச்சி இன்று (செப்.29) காலை நடந்தது. பாஜக தேசிய மகளிர் அணி தலைவர் வானதி சீனிவாசன், சிறப்பு விருந்தினராக கலந்து கொண்டார்.
பின்னர் செய்தியாளர்களிடம் வானதி சீனிவாசன் கூறியதாவது:-
அரசியலில் இன்று நடக்கும் வாரிசு அரசியலையும், ஊழல் அரசியலையும் தாங்க வேண்டும் என்றால் இதயத்தை பலமாக வைத்திருக்க வேண்டும். அதனால் இந்த நிகழ்ச்சியில் கலந்து கொண்டேன். துணை முதலமைச்சராக உதயநிதி ஸ்டாலின் பொறுப்பேற்க உள்ளது குறித்து இதயத்தை பலப்படுத்தி விட்டு வந்த பின் வாழ்த்து கூறுகிறேன். இவ்வாறு அவர் கூறினார்.