குடியரசு தின அணிவகுப்பில் தமிழக ஊர்தி நிராகரிக்கப்பட்டதற்கு அதிமுக பொதுச் செயலாளர் எடப்பாடி பழனிசாமி கண்டனம் தெரிவித்துள்ளார்.
குடியரசு தினத்தை முன்னிட்டு டெல்லியில் பிரம்மாண்ட அணிவகுப்பு நிகழ்ச்சிகள் நடக்கும். இதில் முப்படைகள் பங்கேற்று பல்வேறு அணிவகுப்பு நிகழ்ச்சிகளை நிகழ்த்துவார்கள். இதனைத் தொடர்ந்து மாநிலங்கள் வாரியாக, பெருமைகளை பறைசாற்றும் ஊர்திகள் இடம்பெறுவது வழக்கம். இந்த ஆண்டு குடியரசு தின ஏற்பாடுகள் விமர்சியாக நடைபெற்று வருகிறது. மேலும் குடியரசு தின ஒத்திகை தீவிர படுத்தப்பட்டுள்ளது.
இந்த நிலையில் வருகிற ஜனவரி 26 ஆம் தேதி குடியரசு தினத்தை முன்னிட்டு நடைபெறும் அணிவகுப்பில் தமிழக ஊர்திக்கு அனுமதி வழங்கப்படவில்லை என மத்திய அரசு சார்பில் கூறப்பட்டுள்ளது. கர்நாடகா உத்தர பிரதேசம் உள்ளிட்ட 15 மாநில ஊர்திகளுக்கான அனுமதி வழங்கப்பட்ட நிலையில் தமிழக உறுதிக்கு மட்டும் அனுமதி வழங்காதது பாரபட்சம் என கருத்துக்கள் என தொடங்கியுள்ளன.
அடுத்த ஆண்டு குடியரசு தினத்தை முன்னிட்டு டெல்லியில் நடைபெறும் அணிவகுப்பு நிகழ்வில் தமிழ்நாடு ஊர்திக்கு வாய்ப்பு வழங்கப்படவில்லை. இந்த முறை 15 மாநிலங்களுக்கு அனுமதி வழங்கிய நிலையில், தமிழக ஊர்தி நிராகரிக்கப்பட்டுள்ளது. மத்திய அரசுக்கும், திமுகவுக்கும் இடையே ஏற்பட்ட மோதல் விளைவே தமிழக ஊர்தி ரத்து செய்ய்பட்டதற்கு காரணம் என கூறப்படுகிறது.
இதேபோல் திமுகவை தவிர இந்தியா கூட்டணி கட்சியான ஆம் ஆத்மி ஆளும் டெல்லி போன்ற மாநிலங்களின் ஊர்திகளும் நிராகரிக்கப்பட்டுள்ளது. இந்த நிலையில் தமிழக ஊர்திகள் டெல்லி குடியரசு நிகழ்ச்சியில் பங்கேற்ற வாய்ப்பு நிராகரிக்கப்பட்டதற்கு அதிமுக பொதுச்செயலாளர் எடப்பாடி பழனிசாமி கண்டனம் தெரிவித்துள்ளார்.
இதுதொடர்பாக எடப்பாடி பழனிசாமி பதிவிட்ட கண்டன பதிவில்,” குடியரசு தின விழாவில், தலைநகர் டில்லியில் வருடந்தோறும் நடக்கின்ற அணிவகுப்பில் , தமிழகத்தின் பண்பாடு மற்றும் கலாச்சாரத்தை உயர்த்தி காட்டும் தமிழகத்தின் அலங்கார அணிவகுப்பு ஊர்தி அதிமுக ஆட்சிக்காலங்களில் இடம்பெறுவது மரபு ஆகும். ஆனால் விடியா திமுக அரசின் திறனற்ற நிர்வாகத்தால், குடியரசு தின விழாவில் இந்த ஆண்டும் அலங்கார ஊர்தி இடம்பெறாத வெட்கக் கேடான நிலை உருவாகியுள்ளதாக அறிகிறேன். முக ஸ்டாலின் அரசின் தொடர் அலட்சிய நிர்வாகத்திற்கும், அனுமதி வழங்காத மத்திய அரசுக்கும் எனது கடுமையான கண்டனங்கள்” என எடப்பாடி பழனிசாமி கூறியுள்ளார்.