விஜய் குறித்து செய்தியாளர்கள் கேட்டதற்கு அமைச்சர் துரைமுருகன் கருத்து கூற மறுத்துவிட்டார்.
வேலூர் மாவட்டம், காட்பாடியில் உலக மகளிர் தினத்தை முன்னிட்டு மகளிர் சுய உதவிக் குழுக்களுக்கு நேரடி வங்கி கடன் வழங்கும் நிகழ்ச்சி நடைபெற்றது. நிகழ்ச்சியில் நீர்வளத்துறை அமைச்சர் துரைமுருகன் கலந்து கொண்டு 817 மகளிர் சுய உதவிக் குழுக்களுக்கு ரூபாய் 88.27 கோடி மதிப்பிலான வங்கி கடன் உதவிகளை வழங்கினர்.
நிகழ்ச்சிக்குப் பிறகு அமைச்சர் துரைமுருகனிடம், 2026-ல் திமுகவை அகற்றுவோம் என்று விஜய் பேசியுள்ளாரே என செய்தியாளர்கள் கேட்டதற்கு, ” அதுக்கெல்லாம் நான் பதில் சொல்ல மாட்டேன்” என்றார்.
மேக்கேதாட்டு அணை குறித்து பேசிய அமைச்சர்கள் துரைமுருகன், “தமிழ்நாடு அனுமதிக்காமல் தலைகீழாக நின்றாலும் மேக்கேதாட்டு அணையை அவர்களால் கட்ட முடியாது” என்று கூறினார்.