நடிகர் விஜய், சமூக வலைத்தளமான இன்ஸ்டாகிராமில் இணைந்துள்ளதாக அதிகாரப்பூர்வ அறிவிப்பு வெளியாகியுள்ளது. இதனை ரசிகர்கள் தளபதிவிஜய் என்ற ஹாஷ்டாக்குடன் பகிர்ந்து வருகின்றனர்.
நடிகர் விஜய் இன்ஸ்டாகிராமில் அதிகாரப்பூர்வமாக இணைந்துள்ளது ரசிகர்களை சந்தோஷத்தில் ஆழ்த்தி உள்ளது. டுவிட்டரைத் தொடர்ந்து நடிகர் விஜய் இன்ஸ்டாகிராமிலும் அதிகாரப்பூர்வமாக தனது கணக்கை துவங்கி உள்ளார். விஜய் இன்ஸ்டாகிராமில் கணக்கை தொடங்கிய சில நிமிடங்களிலேயே 2 லட்சத்து 50 ஆயிரத்திற்கும் அதிகமான ஃபாலோயர்கள் குவிந்துள்ளனர். மேலும், லட்சக்கணக்கான விஜய் ரசிகர்கள் இன்ஸ்டாகிராம் பக்கத்தை பின் தொடர்ந்து வருகின்றனர். காஷ்மீரில் லியோ படப்பிடிப்பில் இருந்த போது அங்கே பனி மலை பேக்கிரவுண்டில் நடிகர் விஜய் எடுத்துக் கொண்ட செம க்யூட்டான போட்டோவை தனது இன்ஸ்டாகிராம் பக்கத்தின் முதல் போஸ்ட்டாகவும் தனது ப்ரோபைல் போட்டோவாகவும் நடிகர் விஜய் வைத்துள்ள நிலையில், அவரது அழகை வர்ணித்து ஏகப்பட்ட ரசிகர்கள் எங்கள் தளபதின்னு கமெண்ட் போட்டு வருகின்றனர்.
விஜய் லியோ படத்தின் போட்டோவை ஷேர் செய்து இன்ஸ்டாகிராம் கணக்கை தொடங்கி உள்ள நிலையில், இயக்குநர் லோகேஷ் கனகராஜ் உடனடியாக தனது லைக்கை பதிவு செய்திருக்கிறார். மேலும், ஏகப்பட்ட சினிமா பிரபலங்களே ரசிகர்களாக மாறி விஜய்யின் இன்ஸ்டாகிராம் போஸ்ட்டுக்கு லைக் மற்றும் கமெண்ட் போட்டு வருகின்றனர்.