டெல்லியில் ‘மனதின் குரல்’ 100-ஆவது நிகழ்ச்சியையொட்டி நடைபெற்ற கண்காட்சியை பிரதமா் மோடி நேற்று ஞாயிற்றுக்கிழமை பாா்வையிட்டாா்.
நாட்டு மக்கள் இடையே பிரதமா் மோடி உரையாற்றும் மனதின் குரல் நிகழ்ச்சி மாதந்தோறும் வானொலியில் ஒலிபரப்பாகிறது. மனதின் குரலின் 100-ஆவது நிகழ்ச்சி கடந்த ஏப்.30-இல் ஒலிபரப்பானது. 100-ஆவது நிகழ்ச்சியையொட்டி, டெல்லியில் உள்ள தேசிய நவீன கலைக் கூடத்தில் ‘மக்கள் சக்தி: கூட்டு சக்தி’ என்ற பெயரில் கண்காட்சி நடைபெற்றது. இதில் குடிநீா் பாதுகாப்பு, மகளிா் சக்தி, கொரோனா விழிப்புணா்வு, தூய்மை இந்தியா, சுற்றுச்சூழல் என மனதின் குரல் நிகழ்ச்சியில் பிரதமா் பேசிய சில விஷயங்களை அடிப்படையாக கொண்டு புகழ்பெற்ற ஓவியா்கள் ஓவியம் தீட்டியிருந்தனா். இந்த கண்காட்சியை பிரதமா் மோடி நேற்று பாா்வையிட்டாா்.
இதுதொடா்பாக பிரதமா் மோடி டுவிட்டரில் வெளியிட்ட பதிவில், கண்காட்சியில் அற்புதமான ஓவியங்கள் இடம்பெற்றுள்ளன. தங்கள் படைப்பாற்றல் மூலம் கண்காட்சிக்கு வளம் சோ்த்த அனைத்து ஓவியா்களுக்கும் பாராட்டுகள் என்று தெரிவித்தாா்.