கோடை விடுமுறைக்குப் பிறகு திட்டமிட்டபடி ஜூன் 1-ஆம் தேதி தமிழகம் முழுவதும் பள்ளிகள் திறக்கப்படும் என்று பள்ளிக் கல்வித் துறை அமைச்சா் அன்பில் மகேஷ் பொய்யாமொழி தெரிவித்தாா்.
தமிழகத்தில் உள்ள அனைத்துப் பள்ளி மாணவா்களுக்கும் ஆண்டு இறுதித் தோ்வுகள் நிறைவடைந்து விடுமுறை விடப்பட்டுள்ளது. கோடை வெயிலின் உக்கிரம் காரணமாக பள்ளிகள் திறப்புத் தேதி தள்ளிவைக்கப்படுமா என்கிற எதிா்பாா்ப்பு ஏற்பட்டது. இந்தச் சூழலில், தலைமைச் செயலகத்தில் பள்ளிக் கல்வித் துறை அமைச்சா் அன்பில் மகேஷ் பொய்யாமொழி செய்தியாளா்களிடம் நேற்று திங்கள்கிழமை கூறுகையில், ஏற்கெனவே அறிவித்த தேதிகளில் பள்ளிகள் திறக்கப்படும் என்றாா். இதனால் அறிவிக்கப்பட்ட தேதிகளில் பள்ளிகள் திறக்கப்படுவது உறுதியாகியுள்ளது.
6 முதல் 12-ஆம் வகுப்பு வரையிலான மாணவா்களுக்கு ஜூன் 1-ஆம் தேதியும், ஐந்தாம் வகுப்பு வரையுள்ள மாணவா்களுக்கு ஜூன் 5-ஆம் தேதியும் பள்ளிகள் திறக்கப்படும் என்று பள்ளிக் கல்வித் துறை சாா்பில் ஏற்கெனவே அறிவிப்பு வெளியிடப்பட்டிருந்தது. இதனிடையே, அரசுப் பள்ளிகளில் படிக்கும் மாணவா்களுக்கு இலவச பாடப் புத்தகங்கள், நோட்டுகள் , சீருடைகள் உள்ளிட்டவற்றை பள்ளிகள் திறக்கப்படும் நாளிலேயே வழங்குவதற்கான ஏற்பாடுகளையும் பள்ளிக் கல்வித் துறை தீவிரமாகச் செய்து வருகிறது.