என்னுடைய மகிழ்ச்சிக்கு இன்னொருவர் தேவை என நான் நினைப்பதில்லை. நான் தனியாக இருப்பதையே விரும்புகிறேன் என்று ஓவியா கூறியுள்ளார்.
தமிழ் மற்றும் மலையாள படங்களில் நடித்து வருகிறார் நடிகை ஓவியா. இவர் படங்களில் நடித்து பிரபலமானதைவிட பிக் பாஸ் நிகழ்ச்சியின் முதல் சீசனில் கலந்துகொண்டு மிகவும் பிரபலமானார். இவருக்கு இன்றளவிலும் ரசிகர்கள் மத்தியில் தனி கவனம் இருந்து வருகிறது. இந்நிலையில், காதல் மற்றும் திருமணம் குறித்து அவர் பேசிய விஷயம் ரசிகர்களை ஈர்த்துள்ளது.
தமிழ் மற்றும் மலையாள படங்களில் நடித்து வருகிறார் நடிகை ஓவியா. கேரள மாநிலம் திருச்சூர் மாவட்டத்தை சேர்ந்தவர் நடிகை ஓவியா. ஹெலன் நெல்சன் தான் இவரது நிஜ பெயர். சினிமாவில் வந்த பிறகு அவருடைய பெயரை ஓவியா என மாற்றி அமைத்துக் கொண்டார். மலையாள படத்தில் நடித்து அறிமுகமாகிய இவர், தமிழில் 2009ல் வெளியான நாளை நமதே படத்தில் நடித்து அறிமுகமானார். ஆனால் அந்த படம் அவருக்கு மிகப்பெரிய வரவேற்பு ஏற்படுத்தவில்லை. 2010 இயக்குனர் சர்குணம் இயக்கத்தில் வெளியான களவாணி படத்தில் கதாநாயகியாக நடித்து தமிழ் மக்கள் மத்தியில் அதிக கவனம் ஈர்த்தார் ஓவியா. அதை தொடர்ந்து மன்மதன் அம்பு, முத்துக்கு முத்தாக, மெரினா, கலகலப்பு, ஜில்லுனு ஒரு சந்திப்பு, மூடர் கூடம், மதயானை கூட்டம், புலிவால், யாமிருக்க பயமே, சண்டமாருதம் என எக்கச்சக்கமான தமிழ் படங்களில் இவர் நடித்திருக்கிறார்.
தமிழ் பிக் பாஸ் நிகழ்ச்சியின் முதல் சீசனில் போட்டியாளராக கலந்து கொண்டு எக்கச்சக்கமான ரசிகர்களை ஈர்த்தார். பிக் பாஸ் வரலாற்றிலேயே இவருக்குத்தான் ஆர்மி என்ற ஒன்று முதன்முறையாக உருவானது. எனினும் பிக் பாஸ் நிகழ்ச்சியில் தன்னால் இருக்க முடியவில்லை என பாதியிலேயே அவர் நிகழ்ச்சியில் இருந்து வெளியேறினார். பிக் பாஸ் ஓவியா என்று ரசிகர்கள் இவரை செல்லமாக அழைக்கிறார்கள். 32 வயதான ஓவியா, அவரது திருமணம் குறித்தும் காதல் குறித்தும் பேசி இருக்கிறார். பிக் பாஸ் போட்டியாளராக இருந்தபோது சக போட்டியாளரான ஆரவ் மீது காதலில் விழுந்தார் ஓவியா. ஆனால் அந்த காதல் நீடிக்கவில்லை. அந்த வகையில் சமீபத்தில் ஓவியா கொடுத்திருந்த பேட்டியில், அவரது திருமணம் குறித்து பேசி இருந்தார்.
அந்த பேட்டியில் ஓவியா பேசியதாவது, இப்போதைக்கு நான் சிங்கிளாக இருக்கிறேன்.. இது மகிழ்ச்சியாக இருக்கிறது.. என்னுடைய மகிழ்ச்சிக்கு இன்னொருவர் தேவை என நான் நினைப்பதில்லை.. திருமணம் என்பது அதற்கான நேரத்தில் அமையும்.. நாம் அதன் பின்னால் போவது கூடாது.. அதுவாக வந்தால் ஓகே, இல்லை என்றாலும் பரவாயில்லை.. நான் மகிழ்ச்சியாகதான் இருப்பேன்.. யாரிடமும் எதையும் எதிர்பார்ப்பதில்லை.. நான் தனியாக இருப்பதையே விரும்புகிறேன்’ என ஓவியா பேசியிருக்கிறார்.