சம்யுக்தா மேனன் தனது நீண்ட நாள் நண்பரை காதலித்து வருகிறார். இருவர் வீட்டிலும் திருமணம் செய்ய வேகம் காட்டுவதால் புது படங்களை சைன் செய்யாமல் இருந்தார். இந்நிலையில், குதிரை சவாரி செய்ய பழகிவருகிறார்.
கடந்தாண்டு இயக்குனர் வெங்கி அட்லுரி இயக்கத்தில் வாத்தி படத்தில் தனுஷுக்கு ஜோடியாக நடித்தவர் தான் நடிகை சம்யுக்தா மேனன். மலையாள சினிமாவில் நடித்து சினிமாவில் என்ட்ரி கொடுத்தவர் நடிகை சம்யுக்தா மேனன். 2018ல் வெளியான மலையாள திரைப்படமான தீவண்டி படம்தான் இவரது முதல் திரைப்படமாகும். தொடர்ந்து மலையாளம் மற்றும் தமிழில் நடித்துவந்த இவருக்கு எரிடா படத்தின் மூலமாக தெலுங்கில் அறிமுகம் ஆகும் வாய்ப்பு கிடைத்தது. தற்போது மலையாளம் மட்டுமல்லது தமிழ் மற்றும் தெலுங்கிலும் தொடர்ந்து படங்களில் நடித்து வருகிறார் சம்யுக்தா. களரி படத்தின் மூலம் தமிழ் சினிமாவில் அறிமுகமான இவருக்கு ஜூலை காற்றில், எரிடா போன்ற திரைப்படங்கள் நல்ல ஓபனிங் பெற்றுத்தரவில்லை. ஆனால், வாத்தி படம் இவருக்கு நல்ல ஒபன்னிங்கை பெற்று தந்தது.
கடந்த சில வாரங்களுக்கு முன்பு சம்யுக்தாவின் திருமணம் குறித்த செய்தி வெளியானது. நீண்ட நாள் நண்பரை திருமணம் செய்கிறார் சம்யுக்தா. திருமண வேலைகள் நடந்து வருவதால் சம்யுக்தா படங்களை சைன் செய்யவில்லை என கூறப்பட்டது. இந்நிலையில், சம்யுக்தா திடீரென குதிரை சவாரி பயில்வதாகவும் ஒரு புதிய படத்திற்காக தான் இந்த பயிற்சி என்றும் பதிவிட்டிருக்கிறார்.
இது குறித்து சம்யுக்தா பதிவிட்ட பதிவில், 2024, என்னைக் குறித்தும் என் வாழ்க்கை குறித்தும் நிறைய விஷயங்களை எனக்கு கற்றுக் கொடுத்திருக்கிறது. எனது வாழ்க்கையில் சாகசங்கள் செய்வதை நான் மிகவும் விரும்புகிறேன்.. எனக்கென்று ஒரு வசதியான ஒரு சூழலை உருவாக்கி அதற்குள் இருக்க நான் விரும்பமாட்டேன்.. புதுப்புது விஷயங்களை அனுபவிக்க முயற்சி செய்வேன்.. நடிகையாக புதுப்புது விஷயங்களை கற்றுக் கொள்ளவும் செயல்படுத்தவும் எனக்கு தினசரி வாழ்க்கையில் வாய்ப்புகள் கிடைக்கிறது. ஸ்வயம்பு என்கிற என்னுடைய அடுத்த படத்திற்காக தற்போது குதிரை சவாரியை கற்று வருகிறேன்.. நம்புங்கள் கண்டிப்பாக இந்த பயணம் சிறப்பானதாக அமையும். குதிரையுடனே பயணிப்பது எனக்கு மிகவும் ஆனந்தமாக இருக்கிறது. மனதிற்கு அமைதியாகவும் இருக்கிறது.. ஒவ்வொரு முறை நான் கீழே விழும்போதும், அதை ஒரு சிறிய கல்லாக தான் பார்க்கிறேன்.. தவிர அதை தடையாக பார்ப்பதில்லை.. உங்களுடைய ஜாக்கி சம்யுக்தா அழகான குதிரையுடன் இதோ.. என படத்திற்காக அவர் பயிற்சி செய்யும் குதிரையுடன் எடுத்த புகைப்படத்தை பதிவிட்டு இருக்கிறார்..
திருமணத்திற்காக சினிமாவில் இருந்து பிரேக் எடுத்த நடிகை சம்யுக்தா திடீரென அவரது அடுத்த படம் குறித்த அறிவிப்பை வெளியிட்டதும் ரசிகர்களுக்கு இன்ப அதிர்ச்சியாக இருந்திருக்கிறது. எனினும் அவரது திருமணம் குறித்த தகவல் என்னவானது எனவும் கேள்வி எழுப்பி வருகிறார்கள் ரசிகர்கள்.