இரண்டாவது முறையாக கர்ப்பமாக இருந்த யோகி பாபுவின் மனைவி மஞ்சு பார்கவி தீபாவளி பண்டிகை நாள் அன்று பெண் குழந்தையை பெற்றெடுத்தார்.
கோலிவுட்டின் பிசியான நகைச்சுவை நடிகரான யோகி பாபுவுக்கும், மஞ்சு பார்கவி என்பவருக்கும் கடந்த 2020ம் ஆண்டு பிப்ரவரி மாதம் 5ம் தேதி திருத்தணியில் இருக்கும் கோவிலில் வைத்து திருமணம் நடந்தது.
இதையடுத்து திருமண வரவேற்பு நிகழ்ச்சியை சென்னையில் பிரமாண்டமாக நடத்த திட்டமிட்டார் யோகி பாபு. திருமண வரவேற்பு நிகழ்ச்சிக்கான அழைப்பிதழ்கள் எல்லாம் கொடுக்கப்பட்ட பிறகு கொரோனா வைரஸ் பிரச்சனை விஸ்வரூபம் எடுத்தது. இதையடுத்து வரவேற்பு நிகழ்ச்சி ரத்து செய்யப்பட்டது.
யோகி பாபுவின் மனைவி ஆண் குழந்தையை பெற்றெடுத்தார். இதையடுத்து இரண்டாவது முறையாக கர்ப்பமான மஞ்சு பார்கவி தீபாவளி அன்று பெண் குழந்தையை பெற்றெடுத்தார். இது குறித்து அறிந்த திரையுலக பிரபலங்களும், ரசிகர்களும் யோகி பாபுவுக்கு வாழ்த்து தெரிவித்து வருகிறார்கள். தீபாவளியும் அதுவுமா வீட்டிற்கு மகாலட்சுமி வந்திருக்கிறார் என்கிறார்கள் ரசிகர்கள்.
ஒரு பக்கம் நயன்தாரா, விக்னேஷ் சிவன் இரட்டை ஆண் குழந்தைகளுக்கு பெற்றோர் ஆகியிருக்கிறார்கள். மறுபக்கம் யோகி பாபு இரண்டாவது முறையாக தந்தையாகியிருக்கிறார். கோலிவுட்டில் அடுத்தடுத்து குட் நியூஸ் சொல்லிக் கொண்டிருக்கிறார்கள் என ரசிகர்கள் தெரிவித்துள்ளனர்.