தனுஷ் நடித்துள்ள வாத்தி படத்தின் ‘நாடோடி மன்னன்’ பாடல் வெளியிடப்பட்டுள்ளது.
‘திருச்சிற்றம்பலம்’, ‘நானே வருவேன்’ படங்களுக்கு பிறகு தனுஷ் தற்போது வெங்கி அட்லுரி இயக்கத்தில் ‘வாத்தி’ படத்தில் நடித்துள்ளார். தெலுங்கில் சார் என்ற பெயரில் இந்தப் படம் உருவாகியுள்ளது. சித்தாரா எண்டர்டெயின்மென்ட்ஸ் தயாரிக்கும் இந்தப் படத்துக்கு ஜி.வி.பிரகாஷ் குமார் இசையமைத்துள்ளார். இப்படத்தில் தனுஷுக்கு ஜோடியாக சம்யுக்தா மேனன் நடிக்க, சமுத்திரக்கனி முக்கிய வேடத்தில் நடித்துள்ளார். ‘வாத்தி’ திரைப்படம் பிப்ரவரி 17ஆம் தேதி வெளியாகும் என படக்குழு தெரிவித்துள்ளது. பிப்ரவரியில் இசை வெளியீட்டு விழா பிரம்மாண்டமாக நடத்த உள்ளதாக தகவல் வெளியாகியுள்ளது.
இந்நிலையில் இப்படத்தின் ‘நாடோடி மன்னன்’ எனும் பாடல் ஜன.17-ஆம் தேதி வெளியாகும் என முன்னதாக அறிவிக்கப்பட்டிருந்தது. அதன்படி தற்போது அந்த பாடல் நேற்று வெளியாகியுள்ளது. இந்த பாடலை யுகபாரதி எழதியுள்ளார். அந்தோணி தாசன் பாடியுள்ளார். பாடல் வெளியானதையடுத்து தனுஷ் ரசிகர்கள் பாடலை அதிகளவு பகிர்ந்து வருகின்றனர்.